الحوار المتمدن - موبايل
الموقع الرئيسي


العيد زمان

محمد ابراهيم بسيوني
استاذ بكلية الطب جامعة المنيا وعميد الكلية السابق
(Mohamed Ibrahim Bassyouni)

2020 / 5 / 24
مواضيع وابحاث سياسية


يحكى أن:
-------------
- يحكى أن، أن وأن ..... عمك طه وعمك حنا
- كانوا جيران والحيط ف الحيط .... نفس الحتة ونفس البيت
- نفس الشكل ونفس الهيئة .... نفس الضحكة والناس رايقة
- ابنى محمد ويا سعيد، إسم الله عليكوا .... يلعبوا كورة وسلة وحجلة وصفر تريكو
- بنتى أمينة وبنته تريزة عرايس حلوة ... حلوة البسمة وحلوة الضحكة كأنها غنوة
- وام محمد ويا مراته الست مفيدة .... يعملوا كحك العيد في صوانى وعيشة سعيدة
- نظرة يا ام النور تراعينا ... صلى ع اللى ح يشفع فينا
- آدى شارعنا وآدى حتتنا ... وآدى بيوتنا وادى عيشتنا .....
- عيشة هنية ونفس رضية ولا على بالنا .... عمك طه وعمك حنا
------------------
- هوبا فى يوم أغبر منحوس .... سكن الحتة واد منجوس
- إسم الأبعد؟ قالوا حذيفة .... جاى من بره وياه ياما والناس شايفة
- اشترى بيت المرحوم عبده .... جاب له مقاول نفضه وهبده
- هوبا عمارة طويلة وعالية .... تحت عمارته أنشأ زاوية
- ركب فوق السطح مكبر عال .... صبح وضهر وليل وتملى صراخ شغال
- هذا حرام، هذا حلال .... جلباب أبيض تحت الركبة وفوقها الشال
- لم رجال الحتة ف باطه .... وام براء الست مراته
- عملت حلقة للتحفيظ ... فيها سموم والرب حفيظ
- هوبا الشارع قلبوا كيانه .... كامل أفندي بتاع الفيديو باع دكانه
- وقفلم قهوة عمك حامد عبرحمن .... فتحوا مكانها محل يبيع سيديهات قرآن
- والكوافير أهو لم عزاله .... مشى م الحتة ويا عياله
- وام محمد لابسة نقاب .... ويا مرات صبحى البواب
- بنتى أمينة الحلوة البركة .... ويا تريزة عملت عركة
- يالا يا سافرة يالا يا كافرة .... لمى شعورك تربية زفرة
- وابنى محمد بسم الله وماشاء الله ... صبح وليل بقى ضل حذيفة وماشي وراه
- ويا سعيد اتخانق برضو .... سبه ف دينه وشتمه ف عرضه
- فين حتتنا وأهل حارتنا .... فين ضحكتنا وفين لمتنا؟
- فين قعدتنا الحلوة بنلعب طاولة ... حجر الشيشة يلف علينا وكيفنا مناولة؟
- عزل حنا وساب حتتنا ... وساب الضلمة ف كل حارتنا
- باع البيت واهو هاجر حنا .... بعد ما دوكهم قلبوا كيانا
- يحكي أن، وأن وأن .... عمك طه وعمك حنا

من تراثنا العميق





التعليق والتصويت على الموضوع في الموقع الرئيسي


التعليقات

1 - الخلاصه
كامل حرب ( 2020 / 5 / 24 - 16:15 )
الاسلام الحقيقى هو مرض بدوى معدى فتاك وخبيث , كل العالم يجب ان يعرف الاسلام الرهيب

اخر الافلام

.. حوار مع سيف العضو المنتدب لواحدة من أكبر شركات صناعات الأغذي

.. أوكرانيا تحصل على سلاح تكتيكي لمواجهة روسيا.. تعرف عليه




.. القوات الإسرائيلية تقتل شبانا فلسطينيين وتنكل بجثث 3 منهم في

.. غانتس: لم نتلق ردا من حماس حتى الآن




.. مصادر العربية: مظاهرات ضد طالبان في ولاية بدخشان بأفغانستان