الحوار المتمدن - موبايل
الموقع الرئيسي


قولولها نا جيت

منيرة نصيب

2020 / 8 / 15
الادب والفن

قولولها نا جيت ..
قولولها إرياف وقتلني
طايرة رديت .
قولولها حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها نا جيت ..

قولولها الودادة ..
قولولها ألشمسها
ألبحرها ..
ألناسها وألجوها
أمرايفه بزيادة ..
قولولها ..
اللي حُبها ما هوش عادي
وفاق وتخطى العادة .
قولولها ..
كان عاتبه ..
كان لايمه ..
ما يوم في بُعدي ألها بإرادة .
قولولها نا جيت .

قولولها اللّي فارحة
بلّم الشمل ..
اللّي دوم شيالة حمل
اللّي زاهية ..
اللّي نايرة ..
اللّي صاينة ..
حلم الوطن فعيونها .
قولولها ما شي تسوى
نا حياتي دونها .
قولولها نا جيت .

قولولها .. قولولها
نا جيت ..
قولولها إرياف وقتلني
طايرة رديت .
قولولها .. حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها طبرق اللي
حتى الشمس ..
تاخذ ضوا من نورها .
قولولها نا جيت ..

---

---

---

التعليق والتصويت على الموضوع في الموقع الرئيسي

---

.. رحيل إلياس خوري أحد رموز الرواية العربية الحديثة


.. هجوم أسد على الفنان محمد أنور أثناء تصوير مسلسل -ديبو-




.. صباح العربية | لقاء مع الفنان يوري مرقدي للحديث عن الجدل حول


.. قصيدة الشاعر سالم بن جخير العرجاني بمناسبة فوز فارس العالم س




.. عزاء الفنانة القديرة ناهد رشدي الاثنين المقبل بمسجد الشرطة ب