الحوار المتمدن - موبايل
الموقع الرئيسي


مني تكلم الحمار (لما تكلم الحمار)

نعيمة بوحدو

2020 / 8 / 20
الادب والفن

مني تكلم لحمار!



كان يا ماكان
هاذي زّماااااااان مني لحمار
تكلم بْحال لْإنسان :

- ياك سنين هاذي
وأنا كنخدمك يا هذاك لْإنسان
ونْت هاز على ظهري لخشب وْ لحجر ....
بَلْعرام
وشابع فِيَّ رْكيل وْ عصا وْ سبان
وْعاطي سميتي لْغبي
وصغير شّان
واه .... شحال ما فيك خييييير !
وْ... شحال قليل لحسان!

- سكووووت ألحمار....
ِأرّا سير ليماك .... وْ زيد لقدام!

- ايوا مولاي...
راني .... أناااااا لِهازك نْتاااااا وْلادك
كبيرهووووووم، وْ صغيرهم
انا لي....كنوصلك لدارك
وْ... حافظ طريقك
وْ حال ليك كا......ع مشاكلك
واش.... ماشي أنا.... مصدر رزقك؟
ولكن نْتا خيرك علااااااا ظهر يديك!

- سْكووووت ألْحْمار
أرّ سير ليماك.... وْ زيد لْقدام!

- مَنْ شْحا......ل هذي، وْ نْت داير ظهري غي.....رْ
خشبا كتصلاح للضرب وْرْكيل ولَعصا

قاتليني بجوع
وْ لَعطش
وْ لوسخ وقلة نْقا وْ منعسني غي......ر فْلخلا
باغي تَدْمَر عليَّ نْهاااااار وْ ماطال
بلا شفقا
بلا رحما!
ودابا غيرفهمني..... وقول ليَّ..... شكون لي خاصو يَتْلام ؟
‏واش نْتاااا ولا أنا ؟

- سْكووووت ألحمار
أَرَّ سير ليماك....، وْ زيد لقدام

- علاش أنااااا دبا ماشي من حقي نهضر؟
شوف فيَّ.....
راه جا لوقت..... باش تحل وذنيك
وْ تسمع ليَّ مزيااااااان !
أنا ......، أشنو بغيت منك......،؟!
أنا بغيت غيييييير تعطيني شويَّ ديال ليعتبار! :
تحن فيَّ وترحمني، حتى أنا مَن حقي نعيش فْلامان
راني حتى... أنا كاااااا نفهم....
‏وْكا نحس وْ ما كا نبغييييش نْتَحْقَر ولا نْتهان
‏ولا أنتاااا....، كاع ما سايق خْبار !
* * * * *
‏دازت أيام.....، وْ سنين
‏‏وْ بقات لحالا هياااااا....، لحالا
‏لا بشر فهم!
‏وَلا حمار ترحم !

‏
‏

---

---

---

التعليق والتصويت على الموضوع في الموقع الرئيسي

---

.. مقابلة فنية | الممثل والمخرج عصام بوخالد: غزة ستقلب العالم |


.. احمد حلمي على العجلة في شوارع روتردام بهولندا قبل تكريمه بمه




.. مراسل الجزيرة هاني الشاعر يرصد التطورات الميدانية في قطاع غز


.. -أنا مع تعدد الزوجات... والقصة مش قصة شرع-... هذا ما قاله ال




.. محمود رشاد: سكربت «ا?م الدنيا 2» كان مكتوب باللغة القبطية وا