الحوار المتمدن - موبايل
الموقع الرئيسي


بغداد يا لحن الغزل

ميسون نعيم الرومي

2020 / 9 / 2
الادب والفن


شمس اوگمر ضي العين
نجمات بخدودي ضوت
اسمچ احروفه اوتدرين
لو صاحوا اسمچ بغداد
تزهر اضلوعي ارياحين
***
دجله عذب كلش عذب
طعمه الرطب ويه التين
افيش الربيع ابديرتي
قداح اليعط والياسمين
درت الغرب درت الشرق
بالگلب انتي اتعيشين
***
صوت النخل غنوة طرب
خضر ابروحي ابساتين
شريان مظفور ابسعفته
والگلب يركض ليوين
خضراوي برحي او گنطار
ياقوت مرجان ابلاتين
***
بغداد .. يا حب الأزل
نقش انوشم عَ اللجبين
شكتب شگولن ؟ بغداد..
اشعار تكفي ادواوين
اسمچ عله ابعالي السمه
بنت الرشيد التزهين
***
تتقاسم الخبزه اويه الجار
اهلچ كرام او حلويـن
لو مر غريب او محتاج
مو بس هله .. هلاوين
كلـَّه الدلال ايلوگ الچ
تتبغدد اهلچ .. تزهين
***
انتي العلم انتي الفن
القبله .. فدوه اتصيرين
بـغـداد طولچ فرديه
ايدچ التِعـْلـَه الإيدين
***
نثري الشعر..عـَـلـّي الراس
بغداد .. ابد متنخين
لا لا .. ابد متضيعين
متضيعين





التعليق والتصويت على الموضوع في الموقع الرئيسي


اخر الافلام

.. -بين المسرح والسياسة- عنوان الحلقة الجديدة من #عشرين_30... ل

.. الرباط تستضيف مهرجان موسيقى الجاز بمشاركة فنانين عالميين




.. فيلم السرب لأحمد السقا يحصد 22.4 مليون جنيه خلال 10 أيام عرض

.. ريم بسيوني: الرواية التاريخية تحررني والصوفية ساهمت بانتشار




.. قبل انطلاق نهائيات اليوروفيجن.. الآلاف يتظاهرون ضد المشاركة