الحوار المتمدن - موبايل
الموقع الرئيسي


شعره محابس من ذهب..نص غنائي

ميسون نعيم الرومي

2020 / 11 / 11
الادب والفن


شعره محابس من ذهب

شـَـعـْرَه محابس من ذهب
تــتعـثر ابوصفه جمل
خصلات بيه امن الشمس
دارت على بـَـدْر اكـتمل
***
معگوده لحواجب عگـد
واعـيونه تـرمي بالنبل
نجمات بخدوده ضوت
والورد من شافه خجل
***
غـَـنـَّـت بلابل غردت
حسنه قوافي اوهم جمل
بسـوالفه يحچي الگـمر
وجهه الربـيـع البيه امَـل
***
مغرور من يمشي دلع
ماخذ حلاته امن العسل
عـيونه بـَحـَـر ما ينحزر
رمْشـَـه يكـَحـّـل بالكحل
***
بشفافه گنطار او رطب
چا بس اله يحله الغزل
كـل الشعـِـر لايگ اله
حـر اوقـَـريض اويازجـل
***
ع الشفه تقره اروايته
العمر بچفـوفه ذبـل
احچاياته ضيعها الهوى
والدمع بالذكرى همل
***
عيون المها عيون الولف
والليل.. شعره اعله الچتف
يتمايل اويمشي ابغنچ
شوصف..أبد ما ينوصف
***
جيت اسـأله فـَـز اونفـَـر
بسكوت يخزرني اورحل
آنه اگربت ردت اسـأله
هذا دلال البيه..لو طبعه الخجل؟
----------------------------------------
11/ نوفمبر/2020
ســــــــــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. -بين المسرح والسياسة- عنوان الحلقة الجديدة من #عشرين_30... ل

.. الرباط تستضيف مهرجان موسيقى الجاز بمشاركة فنانين عالميين




.. فيلم السرب لأحمد السقا يحصد 22.4 مليون جنيه خلال 10 أيام عرض

.. ريم بسيوني: الرواية التاريخية تحررني والصوفية ساهمت بانتشار




.. قبل انطلاق نهائيات اليوروفيجن.. الآلاف يتظاهرون ضد المشاركة