الحوار المتمدن
- موبايل
الموقع
الرئيسي
الى ثوار العراق اهدي هذه الأبيات
ميسون نعيم الرومي
2020 / 11 / 30الادب والفن
(ذيقار) جرحچ نزف ! شيشلـَّه ؟ شيداويه ؟
مستگوي بسلاحه النذل ع القتل هالناويه
***
صبحت الحبوبي اليوم تبچي حزنهه
حرگوْ (خيمهه) ابـليـل ذبحـَـوْ ولدهه
***
وجهك صبح مكشوف واتنادي بالمـوت
انغشينه بيك اهواي تالي اطلعت حوت
***
حسـَـبـّـنـَه انت الزين تحمي التظاهر
واســـلاحك الغدار ع الشعـب شـاهر
***
ما يرحمك (تاريخ) (تـتـبـرگع) ابعار
تخون (الحسين) اشلون ؟ واتناصر الجار
***
اتخون الأمانه اشلون هالجاي الحساب
سـمعه اخسـرتـه اليوم والطبع غـَـلاّب
***
ربعك ثـبـت اشـرار ذبحـوا ولدنـَه
وابكل وكاحه اوغل چنهم عدوْ النه
***
يا وطن ولدك ليش؟ (بـَـيـسـَـوا) بـيهـم
يا شـعـب دمهم ســال ! عـندك دواهـم
***
للجاره حـَـفـْـنـَه ايتام رادوا يسلموك
شعب الأصيل اشلون يرضه يذلوك
***
يا شعب ولدك ذول تـتـرجه فزعه
تلتحق بالسـاحات باغي اوتـشـلعه
***
ولد (العـراق) اليوم يا رَفـْعـَـة الراس
اتطهر الأرض والماي من ذوله الانجاس
***
آخ او ألف چـَـم آخ ذبـْحـَـوا ولدنـَه
-(اثمنميه) حدرالگاع ! انهض شعبنه
***
صاروا صور واسماء فوگ الحياطين
كتلوا ولدنه اذناب امن اجل الثعابين
***
ابهيده يهالجناز من تمشي هونك
ام الشهيد اتصيح يـوليدي وينك؟
|
التعليق والتصويت على الموضوع في الموقع الرئيسي
.. فاكرين القصيدة دى من فيلم عسكر في المعسكر؟ سليمان عيد حكال
.. حديث السوشال | 1.6 مليون شخص.. مادونا تحيي أضخم حفل في مسيرت
.. لم أعتزل والفوازير حياتي.. -صباح العربية- يلتقي الفنانة المص
.. صباح العربية | في مصر: إيرادات خيالية في السينما خلال يوم..
.. لم أعتزل والفوازير حياتي.. -صباح العربية- يلتقي الفنانة المص