الحوار المتمدن - موبايل
الموقع الرئيسي


للموت باعونه

ميسون نعيم الرومي

2021 / 1 / 22
الادب والفن


رحتي ياسنة عشرين يا شينه – والبعد اليجي ماندري مضمونه
ذبحتي بالوريد اگطعتي شريانه – كل الدول فلـْسَـت صفت مديونه
ناس امبربده ما تدري وين اتروح – مشافيهه امتلت والموته مركونه
يا سنة التعب والموت..فكــّـينـَه – راحت ماترد هالسنه المجنونه
***
عشرين المشت (كوفيد) خلـَّـته – ينهش بالبشر وامكشر اسنونه
طاير هالإجه اوهالماد ذرعانه - يخنگ بالنـِفـَـس مصحوب بصخونه
يهجم باقتصاد الدول سابيهه – امبيس بالخلگ وامحومر اعيونه
يزرع بالرعب والخوف هد الناس – نتراجف رجف يكرونه ملعونه
***
نأمل هالسنه : (الواحد اوعشرين) – منهه هالنريد اونطلب العونه
ادخيلچ يا سنه يا عيني خلصينه – امن الجونه لـِفـْـو كتلونه باگونه
جيثوم اعله صدرالناس موتونه – خنگونه خنگ بالسوگ باعونه
احترفوه الچذب والقتل ، دمرونه – عقدين الزمن والوطن خسرونه
***
يا سنة الجديده اشويه رحمينه – من ذوله الرعاع ابقصد ذلونه
واحدهم كرش واملوغد الخدين – تسليب اونهب وابلادي مرهونه
وافلوس العراق اتفرهدت فرهود – والجاره تعيش اعله اليحـَـولونه
واعراق المجد صاير خرابه اليوم – (حـَمـُرابي) الكتب حـِرْگـَوْ ابقانونه
***
كتلوا بالشباب الفقره بالساحات – وابكل وقاحه اليوم فجرونه
*(بلاسخارت ) مرتشيه تحمي الموت – يا هيئة امم ليوين تنسونه
يادم الشباب الصار چن نهران – والعالم سكت للموت باعونه
يا شعب العراق المحد ابحالك – ما كو كل عدل چا وين وصلونه
رحتي ياسنة عشرين يا شينه – والبعد اليجي ماندري مضمونه
---------------------------------------------------------------------
*جينين هينيس بلاسخارت:- مهنتها في الأمم المتحدة
في أغسطس 2018 ، عين الأمين العام للأمم المتحدة أنطونيو غوتيريس ، هينيس بلاسيرت
ممثلا خاصا له في العراق ورئيس بعثة الأمم المتحدة لمساعدة العراق (يونامي)
--------------------------------------------------------------------------------------------------------------





التعليق والتصويت على الموضوع في الموقع الرئيسي


اخر الافلام

.. تحذير!!!!!! التبعية من اخطر تركات امتحان اللغة الفرنسية الثا

.. خد بالك تركات في امتحان اللغة الفرنسية #الوفد_التعليمي #ثانو



.. اوعى تختار المصدر في سؤال الازمنة في امتحان اللغة الفرنسية #

.. أحمد حلمى أفلام دريد لحام أثرت عليا في طريقة شغلى وعرض الفن




.. كلمة أخيرة - تفاصيل أول معسكر يجمع محمد صلاح وحسام وإبراهيم