الحوار المتمدن - موبايل
الموقع الرئيسي


سَهَر ليل

ميسون نعيم الرومي

2021 / 1 / 28
الادب والفن


تعبنه السهر ياليل
حتى النـوم جافانـَه
ما ندري السبب بالروح
مدري السبب بلوانـَه
نترجه دوم ابهالزمن
تاه اوغلگ بيبانه
***
حتى الحلم بينه زغر
زعلان راح اوهالنفر
بـِدْروبـنـَه ضاع الوكت
تاه ابمحطات العمر
والناي يبچي ابكل وكت
شوگ اوعتب بالحانه
***
امساهرين الليل وي حادي الضعن
نحچي اونِعاتـب بالنجم
نوبات .. لوعات ابقهـَر
نوبه ابزعل نشبع هضم
شِن هالوكت ما ينحزر
ضيم او هجر عنوانه
***
شوگ اوترافه اويه الصبر
انعاتب وكت ؟ هالوكت عادانه
اونوبات شمعه اوتنطفي
ظلمه اوقهر.. دنيانه
ليوين نرجه اوننتظر
تاه الگمر باسمانه
***
نسهر سهر ماينحمل
نترجه نبقه ابهالأمل
مرمر طعم لم الشمل
حتى القلم عاف الجمل
راح اوخلص هذا العمر
نتنطره اوما جانه
اوماجانه
-------------------------------------
28/كانون الثاني/2021
ســــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. ندوة الرواية والفنون: روايات واسيني الأعرج أنموذجا- الجلسة ا

.. ندوة الرواية والفنون: روايات واسيني الأعرج أنموذجا- الجلسة ا



.. دوة الرواية والفنون: روايات واسيني الأعرج أنموذجا- الجلسة ال

.. أرملة جورج سيدهم تتبرع بقميصه في مسرحية المتزوجون بمزاد خيري



.. ندوة الرواية والفنون: روايات واسيني الأعرج أنموذجا- الجلسة