الحوار المتمدن - موبايل
الموقع الرئيسي


إقفش أعداء التنمية !!

حسن مدبولى

2021 / 2 / 19
كتابات ساخرة


علشان التنمية ( لمؤاخذة ) الإقتصاديةتأتى بثمارها،وبصفتى خبير إقتصادى (معارض) و فاهم بقول إيه، فأنا أقترح تطبيق نفس خطوات الصين فيما يتعلق بحل مشكلة التزايد السكانى ، لكن مع وضع التاتش بتاعنا (ولمؤاخذة )، بمعنى إننا لازم نحدد طفل واحد لكل أسرة زى الصين بالظبط ، لكن العقاب بعد كده يكون سجن بموجب قانون رادع لمخالفات التوالد ،مش تقولى رفع دعم وكلام فارغ ، وعشان محدش يتظلم ويبقى المواطن لقى حد يحنو عليه ، نعمل قانون تانى للتصالح على مخالفات التوالد ، يعنى اللى مخلف زيادة يدفع فدية ليهم عشان يعدى ، لكن كمان لازم القانون ده يتطبق بأثر رجعى زى قانون التصالح فى مخالفات المبانى بالظبط ، فالأسرة إللى اتجوزت من سنة 1999 وخلفت اكثر من طفل، لازم تتقدم بطلب تصالح وتعمل ملف فى مستشفى الجلاء ، وتسدد غرامة على عدد العيال الزيادة عشان يتقبل التصالح، وإللى يستعبط أو يتقاعس، أو يتقفش متلبسا مع عياله بدون سداد وملف ، يبقى لازم يتسجن ، واذا إكتشف الأمر وكان رب الأسرة قد مات ، فيبقى تتسجن الأم أو تدفع ، واذا كانت الأم قد ماتت فيتم إعدام الزيادة ،ألا إذا أنقذهم القرايب ولمولهم تمن التصالح، لكن مافيش مانع طبعا تبقى فيه شوية جمعيات و حبة أحزاب تلف وتصور العيال الزيادة دى قبل ما تتعدم ،وتطبطب عليهم مع مزيكا مأساوية، ويتذاع إعلان بعنوان
إكفل أعداء التنمية !!





التعليق والتصويت على الموضوع في الموقع الرئيسي


التعليقات

1 - معضله
على سالم ( 2021 / 2 / 19 - 02:39 )
هل تعلم ان الاسلام يمنع تحديد النسل نهائيا وبأى صوره من الصور , من ابجديات الاسلام ان العيل بييجى ورزقه معاه ؟ انفجار السكان فى مصر مشكله كارثيه ومدمره اذا لم يتم اجبار الناس على تحديد نسلهم بالقوه , الناس بيزربوا اطفال بدون حساب ؟ هو انت مش مسلم ولاايه ؟

اخر الافلام

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ



.. اللعبة قلبت بسلطنة بين الأم وبناتها.. شوية طَرَب???? مع ثلاث

.. لعبة مليانة ضحك وبهجة وغنا مع ثلاثي البهجة الفنانة فاطمة محم



.. الفنانة فاطمة محمد علي ممثلة موهوبة بدرجة امتياز.. تعالوا نع