الحوار المتمدن - موبايل
الموقع الرئيسي


ملاح البحرين /زجل

رشيد منيري

2006 / 7 / 28
الادب والفن

إلى عبد الله موناصير

الظّْلامْ
نْشفتْ السواقي
ذْبلْتْ الورُودْ
واش بَاقي؟

الظّْلامْ
وَ أنا الْمفرقْ بينْ هْمومي
وْ لْحْلَامْ..

الظّْلَامْ يا حْبَابي
غْصْب لِي شْبَابِي
هُوَ طْرْقْ بَابِي
وَ أنَا حْلِّيتْ لُو الدَّارْ

حْنِيتْ لْدْموعي
مْكْسُور وْ ضْلُوعِي
هْشْهْشهَا الظّْلَامْ ِ
و كانْ الِّليلْ
كْلْح وْ طْوِيلْ
و الدْيَاب تْصِيحْ
تْبشرْ بالويلْ
ْترقُصْ للرِّيحْ
و تْصهلْ الخِيلْ
تْعيطْ للفَاِرسْ
فَارِسْنا عْلِيلْ
مْرِيضْ و نْاعْسْ
مَاهْزُّو صْهيلْ

و بْعِيدْ
فُوقْ التّلَّه
نَادَانِي نْبضْكْ
يَا عَبد الله
و سْمْعتْ صُوتْ قْريبْ
يْقرا قُرْآن غْريبْ
لنبي التسعين
فْالمشْرقْ و فْالْمغْربْ:
عْبد الله عْندُو مْلَّـه
و عْلِيهَا مَا يْتْخلَّى
يَاكْ عْلقُوهْ يْتدْلَّى
وْ يَاكْ مَا تْخلَّى

هُوَ اللِّي عْلّمْ الْمْوَاجْ
كِيفْ تغضْــبْ
هُوَ اللِّي نْوّرْ ظْلَامْنَا
وْ عْلمنَا الْحُبْ
هُو اللِّي قْلبُو شْلَّال كْبِيرْ
مَا يْنْضبْ

الْبَوْصَلَة يَا الشَّاهْدَة
عْلَى بْحَّارْنَا الْعَظِيمْ
خْلِّيكْ دِيمَا هَكْدَا
لا تْصيرِي حْرْفْ عْقيمْ
خْلِّيكْ فْ صْحْرَا الْورَاقْ
وَاحَه
خْليك لِلْخَافِياتْ
فْضَّاحَه
خْلِّيكْ لْلْعَامـــِلْ
وْ الْفْلاحَه
بَوْصَلَة.

احْنَا دْمْنَا فِدَى لأمْنَا
وْ امْنا كْبيرَة
بْحجْمْ الْعَالَمْ

وَ أنَا بْعْدَا
حْكَاتْ لِي جْدَّه
بْلِّي بْدْرةْ شُوكْ
نْبْتتْ ورْدَه
لْمَّا تْسْقَاتْ
بْدَمْ الشَّهِيدْ

لْكُلْ بْحْر مْلَّاحُو
و أنْتَ مْلَّاحْ الْبْحْرينْ
قَالُو قْتْلوكْ وْ ارْتَاحُو
لَكِنْ طْلْعُو لِيهُمْ خْرينْ
خْرْجُو للشَّارِعْ و اجْتَاحُو
صَمْت الجُدْرَانْ النَّايْمِينْ
هَادوكْ وْلادْكْ و بْنَاتْكْ
عْلمْتيهُمْ حُبْ الْفْجْرْ
تْكبرْ بْحيَاتْهُمْ حْياتْكْ
وِ زِيدُو فْطْرِيقْ النَّصْرْ.

---

---

---

التعليق والتصويت على الموضوع في الموقع الرئيسي

---

.. روبي ونجوم الغناء يتألقون في حفل افتتاح Boom Room اول مركز ت


.. تفاصيل اللحظات الحرجة للحالة الصحية للفنان جلال الزكى.. وتصر




.. فاق من الغيبوية.. تطورات الحالة الصحية للفنان جلال الزكي


.. شاهد: دار شوبارد تنظم حفل عشاء لنجوم مهرجان كان السينمائي




.. ربنا سترها.. إصابة المخرج ماندو العدل بـ-جلطة فى القلب-