الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
في تأبين يسري زكي
عمر عبد العزيز زهيري
كاتب و باحث و شاعر
(Omar Abdelaziz Zoheiry)
2021 / 3 / 12
الادب والفن
#يسري_زكي
في تأبين د. يسري زكي الشاعر الجميل الذي ظل يطارد حلمه وما أن امسك بتلابيبه حتي خارت قواه و...صعد
كنت باحس بإن انا عارفه
وانه قريب
اقرب من ناس تانيه كتير
كنت باعيش وياه الذكري
الغيط والجرن .. والساقيه
و الحرف اللي ينور شمعه
و السر الهربان مالبير
عالم رغم انه غريب عني
عمري ما يوم حسيته غريب
وشخوصه القاها بتوحشني
كأنه فكرني بحبيب
ياما وشوش وحكاوي خدتني
"زوزو ".."شحاته "و"الدرويش"
وحلمت معاهم احلامهم
بدلت.. بالبدله الخيش
رحت اقعد جوه الدكان
واتفادي طريق العفاريت
اتونس بغناوي الترعه
والنداهه اجيبها البيت
اتفرج علي "خيشه"بيلعب
وادور علي" فايزه الطافشه"
وابكي علي "عبده الكلاف"
لكن امبارح
دق الباب
وبقيت اخاف..
لما بابنا ..
يدق ساعات
كان "الشيخ احمد علام "
وشه مكسي حزن بهيبه
اصل الحزن كمان مقامات
شكله بيوشي بانه مسافر
سايب عالم زمنه فات
بصيت في عنيه الغرقانه
كان صمته ملغم بعياط
كما طيف اتسحب واتداري
وفهمت انه...
يسري مات
|
|
التعليق والتصويت على الموضوع في الموقع الرئيسي
.. أحمد حلمى من مهرجان روتردام للفيلم العربي: سعيد جدا بتكريمي
.. مقابلة فنية | الممثل والمخرج عصام بوخالد: غزة ستقلب العالم |
.. احمد حلمي على العجلة في شوارع روتردام بهولندا قبل تكريمه بمه
.. مراسل الجزيرة هاني الشاعر يرصد التطورات الميدانية في قطاع غز
.. -أنا مع تعدد الزوجات... والقصة مش قصة شرع-... هذا ما قاله ال
