الحوار المتمدن - موبايل
الموقع الرئيسي


الرطب

عجيل جاسم عذافة

2021 / 4 / 4
الادب والفن


الرطب كله رطب مابيه
رطب موزين
لو گالوا البرحي صدگ
لا ما تعدي العين
ولو گالو الگنطار
شوف شحلاته زين
والشكّره ياناس
والرطب هم نصين
خضراوي ذاك الشفت
اخضر يلالي العين
شرد آنه اعدد الك
من اشكال اخذها البين
ديري الحمر بسرته
لو من دگل هيرين
اصفر وصافي البسر
والنيرسي هلالين
منّه اللي ينضج وقت
وبيه للشتا متانين
يعني الرطب يستمر
تلاثه وشهر شهرين
والزهدي متاخر ابد
ما يلحق ويه اثنين
لا ويّه ساير سبق
ولا ويه ام الدين
والشوچي المخطط رطب
ما شفنه مثله وين
وشويثي تمره العدل
كشمش تراه يبين
عمراني ذاك الرطب
لو ذاك ابو سلالين
شحجي وشسولف ثمر
مابيه غبر مو زين
نعمه وكثيره وبغت
بس الشكر عادين
و يزيدها رب الخلگ
ويديم بيها الزين
چبچاب من تطبخه
وبريم صار اثنين
وتضمه طعم الشتا
لا برتقال الشبه
ولا يابس من التين
الهنود كم ورّدوا
منه كثيره سنين
والوادم امسابق شرت
مو طن ولا طنين
منّه البواخر حمّلتْ
لذيج الدول والصين
ونجيب من عندهم
سوس ودوا وطحين
والخير من النخل يزداد
لمن تزيده طين
من تدفن النخله عدل
من الگاع يم الجذع
كون الدفن شبرين
مزهيه تبقى عمر
والماي بالصوبين
شايف رطبها شلون
نقاط من الدبس
دمع الحلو بخدين
ولولو عبالك صدگ
يتساگط بنورين
بس جيب راشي وهني
للياكل ثنيوين





التعليق والتصويت على الموضوع في الموقع الرئيسي


اخر الافلام

.. طلاب الثانوية يدخلون اللجان .. تليفزيون اليوم السابع ينقل أج

.. ا?قوى مراجعة نهاي?ية لمادة اللغة الفرنسية لطلاب الثانوية الع



.. السجن 3 سنوات للفنان محمد غنيم في اتهامه بتهديد طليقته


.. إعلان صادم لمحبي الفنانة السورية كندة علوش و-ولاد رزق 3- يحط



.. -مستنقع- و-ظالم-.. ماذا قال ممثلون سوريون عن الوسط الفني؟ -