الحوار المتمدن - موبايل
الموقع الرئيسي


ما تخافوا من الكورونا

مشعل يسار
كاتب وباحث ومترجم وشاعر
(M.yammine)

2021 / 6 / 8
الادب والفن


###
قالوا الكورونا القحبة
بتاخد من كل الأعمار
شلخة وصحبتها صحبة
بتجرّك معها ع النار
وكانت رح تبقى عزبة
لولا نشرات الأخبار
وجيوب ال عم بتعبّي
وتسرقنا متل المنشار
***
قالوا بكمــّــامة خبّي
وسكر تمك والمنخار
ولما تسافر يا حبـّي
بدّك تعمل بي سي آر
وهلق يا حرقة قلبي
ما في عندك غير خيار
تطعّم بالطعم الغربي
يعني فيك تسافر صار
***
بيستاهل الف مسبّة
عالم مافيات وتجار
بيسموا الكره محبة
في عندن خبرة بالكار
هالكورونا بحردبّة
خافو منها كبار زغار
لكن بالفحص الطبي
تبيّن انو المتلا كتار
وإغراءا ما بيلبي
الا الراسو راس حمار
***
لبنان الصاير خربة
أقوى من الكورونا صار
قوي قلبك، يا شعبي
ما تخلي فكرك يحتار
بولادك جرأة ربّـــي
لتنشّئ منهــــن ثوار
ما عاد في سر مخبي
الكذبة وصلت للزنار
ن مرَّقت عليك الكذبة
وتطعّمت ودهرك جار
قللو: بعونك، يا ربي!!
"عون"علينا ما بيغار
***
ودّع جهلك والكربة
الكورونا كذبة شطار
منها بيعبوا الجيبة
وبيعلّوا قصورن الكبار
أشكالن ملاّ هيبة
بتبكي عليها بوم الدار
عيب عليك بهالشيبة
تهلع من أقزام زغار
حُطّ المدفع عالسيبة
قصر الكرتون بينهار
كل منّا يضرب ضربة
بتتدمر مملكة العار
***

٢٠٢١





التعليق والتصويت على الموضوع في الموقع الرئيسي


اخر الافلام

.. الفلسطينيين بيستعملوا المياه خمس مرات ! فيلم حقيقي -إعادة تد

.. تفتح الشباك ترجع 100 سنة لورا?? فيلم قرابين من مشروع رشيد مش



.. 22 فيلم من داخل غزة?? بالفن رشيد مشهراوي وصل الصوت??


.. فيلم كارتون لأطفال غزة معجزة صنعت تحت القصف??




.. فنانة تشكيلية فلسطينية قصفولها المرسم??