الحوار المتمدن - موبايل
الموقع الرئيسي


شَرد أگلَك……!؟

زهور العتابي

2021 / 8 / 14
الادب والفن


شَرد أگلّك……..!؟
يانبع ريحان انته ياچلمة صِدگ …ياخوي
يل اسمك علي..وشايل طبع من علي
مشتاگة والله لشوفتك …!!
يا نزيه… يل معدنك طيّب
ياعزيز النفس …يل مامش أبد منّك ….!!
شَرد أگلّك ….…!؟
دارت الدنيا عَلَيْ….دولبني الوكت ياخوي
وما واحد وگفلي وكال عدعيناچ ..ولا واحد أبد عوّضني عنَك !!
بسْ ..أبقى ذيج انَه ..التعرفهه گلّش زين …
تِرباتَك واخيتك ..والچنت صاحبتك
ما اعتب !! ولا كَثر الحچي ..واتيه ويَّ الگلت والگال ..لا والله
تدريني صبر ايوب صبري ...طبع (اجواد )تدريني..ومثل طبعَك
اليِداري الغيض بالسكته !! وما ينطي أبد باهله !!
بسْ !!! معذورة لو الك حنيت …وتِذَكّرتَك !!
تذكّرت الغيرة …والشهامة البيك
وبچيت بحرگة… وصحت…
ويييييينك ياعلي ..أخيِّ الماجابتك امّي ……..!!!
فرق ..بگد السِما بين الأمس واليوم
أمس …شفت شخصَك اجاني …طاير ويَ الريح
لگيتك من طَرة الفجر وياي (بالمَشفى) …!!
اجيت بلهفة الحيران !
ومحترگ گلبك… تشوف (امّي) المعزّتهه بمَعزة امّك …!!
واكثر بعد والله ….شگد شايل محنّة لخاطرالله…… !!؟
بجيت بوكتهَه … وبچيتنَه وياك !؟
ثاريها دموع افراگ ياخوي…!!
منها وبعد ماشفتَك …رِحت منّي …وللتالي فارگتك …!!
والقهر !! وانته الأعز من الگلب والروح !!
لامشيت بنعشك مثل كل الناس ..لا ودّعتك أبد …لاشفتك !!
شَرد اگلّك …!؟
يا صُحبة أمس ..يل فارگتنه بساع …وگبل وكتَك
تدري ….!؟
كِل صفنه الأمر بيها …وكُل ذكرى ..انته وياي
ما فارگني طيفك يوم …وبكل حِلم… يندّهني رسمَك
يحلو الطول يالغالي .. يَمنْ فدوة رحتْ لاسمك
تعال …ولو بالحلم ….اترَجّاك..!!
مشتاگة حيل لشوفتَك ..مر بيّه يَبَعد اختك …!!!!





التعليق والتصويت على الموضوع في الموقع الرئيسي


اخر الافلام

.. تفاعلكم | الفنانة اللبنانية هبة طوجي في حديث عن الأولمبيا وز

.. شاهد: -ربما يتحركون لإنقاذنا-.. شابة غزيّة تستغيث بالغناء فو



.. عمل ضجة كبيرة ومختلف.. أحمد حلمى حكالنا كواليس عرض فيلم سهر


.. بتهمة -الفعل الفاضح- والتـ.ـحرش.. شاهد أول حديث لسائق أوبر ف



.. من هو نجم العراق الأول اليوم؟... هذا ما قاله الفنان علي جاسم