الحوار المتمدن - موبايل
الموقع الرئيسي


الى تشرين اهديها

ميسون نعيم الرومي

2021 / 10 / 18
الادب والفن


نمشي ع الذهب وابيوتنه اگشاش اوطين
چا وينه الفرج؟ والبوگ (باسم الدين) !
***
دين الله هذا الدين مايرضه بالشــين
باچر يصير احساب مهربكم امنين ؟
***
متفقه كلهه اعليـك صايـر ذبـيحه
ذبحوا مدنه اليوم صارت جريحه
***
هـذا العـمر هالراح نعگـد بالجروح
صار الگلب خشخاش وامدوهنه الروح
***
كلمن اسـلاحه ايصيح بس آنه وآنه
استشره البلاء اشلون وامنين اجانه
***
بعيونچ حزن وادموع يحبيبه (بغداد)-
نفس الوجوه الســـود يوميـّه تنعـاد
***
وسـفه العراق الصار مثل الخرابه
ياهو اليجي يوليه ايطلبه طلابـه
***
هذا (العراق) الزين مهد الحضارة
ينهض قريب ابساع ايصحح مساره
***
نـتـأمـّـل (الأحرار) ولدچ بـلادي
همـَّـه الأمل والجاه زوج اوفرادي
***
فـَـرحوا گلبنه اسباع ولدچ (يتشرين)-
همـَّـه أملنه الجاي .. ابسـَـن القوانين
***
انتوا الخلاص الجاي وانتوا اللي تبنون
هذا (عراق) المجد يشهـدلهه الكون
-----------------------------------------
18 / تشرين / 2021
ســــــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. شارك فى فيلم عن الفروسية فى مصر حكايات الفارس أحمد السقا 1


.. ملتقى دولي في الجزاي?ر حول الموسيقى الكلاسيكية بعد تراجع مكا



.. فنانون مهاجرون يشيّدون جسورا للتواصل مع ثقافاتهم الا?صلية


.. ظافر العابدين يحتفل بعرض فيلمه ا?نف وثلاث عيون في مهرجان مال



.. بيبه عمي حماده بيبه بيبه?? فرقة فلكلوريتا مع منى الشاذلي