الحوار المتمدن - موبايل
الموقع الرئيسي


قصيدة - عجيبة - على ضوء انتقاد فعاليات مهرجان بابل

حيدر حسين سويري

2021 / 10 / 30
الادب والفن


عجيبه عقول هاي الناس
وعجينه اكَلوبها الوادم
يمنعون الغنا بنمرود
ودكَـ وركَص بالكاظم!؟
ملاهي مترسه بغداد
خمور وكبسله وكاتم
جاكوزي وسياسي ومجلس النهاب
بيه مطوف وعائم
وسنتا كلوز يم حيدر (مرقد الامام علي بن ابي طالب)
يدكَـ ويركَص وحالم
بعد شهرين لكرسمس
واهل النجف لا نائم
ولدهم للصبح سكرين
وفعلهم محتوى صادم
وبكربلاء نفس الحال
ولا من عاذل ولائم
وهذا الحال راح يزيد
ردت فعل من ظالم
لان تحجون بالأديان
ولأن فاسدكم الحاكم
نفاق ودجل ماكو دين
بس صوره إله راسم
روح وشوف ذيج إيران
وبيها الحكم متوالم
حكمها إسلامي ع المكشوف
وشعبها اوربي ومسالم (عندما ذهبت الى أصفهان رأيت العجب العجاب وكأنها دولة اوربية)
فاترك هالشعب يختار
ولا تصبح عدو غاشم
وتنهى عن خلق واجيب مثله وزود
وانت اعلى الصدر جاثم
اغلب هالشعب يبجي ويون سنين
ويتمنى حكم قاسم (الزعيم عبد الكريم قاسم)
انشدك قاسم اليا دين؟
شيوعي وللأمر عازم
دبسكم يا غراب البين
عليكم هالشعب ناقم
يجيكم يوم تنطردون
وحكم هذا الشعب صارم
ينفذ فيكم الاحكام
والله العادل الراحم
وما هيه سوى أيام
ويظهر صاحب العالم
وهذا الامر صار احساب
الشعب متيقن وفاهم
........................................ 30/10/2021





التعليق والتصويت على الموضوع في الموقع الرئيسي


اخر الافلام

.. بطل الفنون القتالية حبيب نورمحمدوف يطالب ترمب بوقف الحرب في


.. حريق في شقة الفنانة سمية الا?لفي بـ الجيزة وتعرضها للاختناق




.. منصة بحرينية عالمية لتعليم تلاوة القرآن الكريم واللغة العربي

.. -الفن ضربة حظ-... هذا ما قاله الفنان علي جاسم عن -المشاهدات




.. إصابة الفنانة سمية الألفى بحالة اختناق فى حريق شقتها بالجيزة