الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
نهر حبك نشف
حيدر صادق صاحب
كاتب وشاعر
(Haider Sadeq Sahib)
2021 / 11 / 4
الادب والفن
قصيدة (( نهر حبك نشف ))
نهر حبك نشف والشوك سد الباب
وعلى زلفك تركت اثار صفناتي
وبجيت احلام جانن بالفكر دستور
شفت بيهن مواد يقررن ذاتي
ليش بلا صدى خليت صوتي يصير
شمااصرخ ترد ايتام كلماتي
تعال ولا تعال الشمس تعله لفوك
وتنزل بالنتيجة بحضن راحاتي
انه همي جسر يعبر عليه العوز
ويكمم شفاهي لبيهه صرخاتي
مصادر كل صراخ بدفتر الاهات
عناوين لقلوب اساقطت اوراق
الوكت يمشي على عكاز ويدوس ايتام
وعلى كومت جماجم يرسم الافاق
جرة بيه الضمأ واتخيلك ينبوع
يجري بلا جسد فوك الجسد ترياق
صرت ثورة جزر قاوم ملح بالكاع
وجمع كل الجداول مختلف اعراق
انه سلاحي قلم والحبر طلقه غيض
سهام على الجهل وعلى العلم اشراق
صرت ساتر قضيتي وتخشه خط النار
وانه بحرية صدري لكل رصاصة اشتاق
ادور انه بيك وشفت ما موجود
القصيدة تموت لو ما تحبل بمطلع
اريد تصير عامل جوه كل انسان
ولو شافك كمت يتظاهر المصنع
لان بكل صراحة الذيب اصبح جار
وجار انته بجملتك لو نصب يرفع!
امشي بغير دربك واحسب الخطوات
واسكي الاثر بالكي يورد وينفع
وشد تاريخ خصرك عالخصر فلاح
واعلك مستحاتي بمنجلك منبع
تخضر ارض روحك عالفقر ماعون
وساحات الكفاح بحضرتك تركع
بقلمي المتواضع الشاعر حيدر صادق
|
|
التعليق والتصويت على الموضوع في الموقع الرئيسي
.. كلمة -وقفة-.. زلة لسان جديدة لبايدن على المسرح
.. شارك فى فيلم عن الفروسية فى مصر حكايات الفارس أحمد السقا 1
.. ملتقى دولي في الجزاي?ر حول الموسيقى الكلاسيكية بعد تراجع مكا
.. فنانون مهاجرون يشيّدون جسورا للتواصل مع ثقافاتهم الا?صلية
.. ظافر العابدين يحتفل بعرض فيلمه ا?نف وثلاث عيون في مهرجان مال
