الحوار المتمدن - موبايل
الموقع الرئيسي


الگمر يضوي ابليل

ميسون نعيم الرومي

2021 / 12 / 16
الادب والفن


الگمر يضوي ابليل وايغازل انجوم
وايسامر العشاگ وايواسي ملچوم
***
واللچمه بالدلال جمره اوتوج بيه
نار اولهب بالروح والصبر يطفيه
***
هذا الصبر چم دوب نصبر اوليوين
نترجه نـِوِن بسكوت وابدمعة العين
***
تچوي الجفن دمعات والگلب تنور
تطلع شمس فد يوم هم يشرق النور
***
يفرح شعبه ايعيش عيشة سعيده
يبني اويربي اجيال محد يبيده
***
اتجند ولدنه اليوم شنهي القضيه؟
للجاره نحمي ايريد الهم ضحيه
***
كافي ولدنه ليش دمهم قرابين ؟
تصفگ ايديهه الأم بين الحياطين
***
لازم شعبنه ايعيش عيشه كريمه
ما يبقه خيره ايروح لبن اللئيمه
***
ابنفس الوجوه اندور صارالنه عقدين
هجموا عراق الخير يا دنيه ليوين ؟
***
شوف العراق اليوم كله مزابل
وامتلتلات افلوس بيد الأراذل
***
هذا شباب اليوم مايقبل الذل
فدوه اله اوقربان بس بيده الحل
----------------------------------------





التعليق والتصويت على الموضوع في الموقع الرئيسي


اخر الافلام

.. مت فى 10 أيام.. قصة زواج الفنان أحمد عبد الوهاب من ابنة صبحى

.. الفنانة ميار الببلاوي تنهار خلال بث مباشر بعد اتهامات داعية




.. كلمة -وقفة-.. زلة لسان جديدة لبايدن على المسرح


.. شارك فى فيلم عن الفروسية فى مصر حكايات الفارس أحمد السقا 1




.. ملتقى دولي في الجزاي?ر حول الموسيقى الكلاسيكية بعد تراجع مكا