الحوار المتمدن - موبايل
الموقع الرئيسي


حدوتة (عنصرية) ..!!!!!!!

عدلي جندي

2022 / 1 / 8
العمل المشترك بين القوى اليسارية والعلمانية والديمقرطية


تبادلنا التهاني بطريق تقنية الزووم العائلة بكاملها تعيش في تلاث قارات أوروبا أمريكا أستراليا...
أخبار تحورات كورونا أيه عندكم ؟
أبدأ سؤالي التقليدي بحسب معاناة الساعة ..مادلين من أمريكا ....بوجي وأخيه جيمي أصيبوا بالفيروس علي الرغم من حصولهم علي جرعتين وكانوا علي ميعاد تعاطي الثالثة
رد الدكتور ناجي(أستراليا) علي فكرة خلاص شكلها كده لازم نتعايش مع الفيروس واللي مش ح ياخد التطعيم هو ده اللي ممكن يتعب قوي ويحصل له تداعيات خطيرة لو أصابه الفيروس أما اللي ح يتطعم وماعندهوش مشاكل صحية خطيرة ده ح ياخده زي ما تكون إنفلونزا والحل تقريبا إكتشاف علاج فعال مش تطعيمات وبس
بوجي راح يعمل المسحة هو عملها في البيت وطلعت سالبة ..مسحة سريعة وكنا طلبناها ب طريق النت لإنها مش موجودة تاني في الصيدليات بعد الطلب السريع عليها ولكن هو عشان يتأكد راح يعمل مسحة موثقة
ناجي (الطبيب)علي فكرة هي مدة الحضانة تقريبا بتنتهي بعد الإصابة بأسبوع ..هو عدى كام يوم من وقت ما ظهرت الأعراض
مادلين (أم بوجي وجيمي) أكثر من عشرة أيام لكن الفكرة إنه لازم ياخد شهادة إن المسحة نيجاتيف عشان يقدر ينزل الشغل
أنا ...يا سلام علي العلم حاجة عظيمة قوي لو كنا لسه ماشيين ورا بتوع العلاج بالتعاويذ والتبخير وغير من الخرافات دي يا تري كانت ظروفنا ح تبقي إيه
ناجي علي فكرة الناس بتوع زمان دول كانوا بياكلوا الحاجة فريش(طازجة) وده كان بيساعد المناعة كثير عندهم
أنا..يا با الله يخليك إنت ناسي وباء الإنفلونزا الأسبانية عملت إيه ف البشرية؟
ناجي ..عندك حق إنت فكرتني بموضوع ..أكلنا حتة خروف محشي رز ومكسرات إنما إيه يعجبك... جمعنا بعض ثلاث عائلات( ملحوظة العائلة أربع أفراد بالكثير) ..أخدني دافي (إبن ناجي) ف حتة ما تفهمش وصلها إزاي اللي عمري ما شوفتها (ناجي هاجر إلي أستراليا في منتصف الثمانينات) عاملة زي ما أكون عايش في مصر...الزبالة في الشوارع وستات منتقبات ومحجبات وعالم لابسه جلاليب بيضا المهم وصلنا مطعم عراقي هو اللي شوي لينا الخروف بس كان طعمه حكاية
أنا..يعني فكرك لو ما كانوش في حتة شرقية والزبالة ف الشوارع ومنتقبات ومحجبات وجلاليب بيضا ساكنين فيها ما كانش الخروف ح يبقي طعمه حكاية
فكرتني بشوارع وبنايات المهاجرين في إيطاليا
ردت مادلين تعالواةشوفوا عندنا هنا في أمريكا المناطق اللي فيها عرب كثير
أنا فكرتوني بزبون يهودي لما كان يسافر القدس يرجع يقولي حاجة غريبة هو شارع واحد يفصل بين دولة إسرائيل والضفة الغربية... ناحية إسرائيل حركة سريعة ونظافة ونظام ومرور منضبط ووو... والناحية التانية قاعدين يدخنوا النرجيلة والزبالة حواليهم وومافيش إحترام للمرور ووو.. حاجة تقرف ... إت......،؟





التعليق والتصويت على الموضوع في الموقع الرئيسي


التعليقات

1 - البلد ؟
على سالم ( 2022 / 1 / 8 - 20:32 )
استاذ عدلى , من المؤكد ان المصريين يتعذبوا ويشقوا ويعانوا فى بلدهم الغبيه الكارثه الفضيحه الطارده للبشر , اصبحت مصر مركز طرد لاابناؤها البؤساء الجوعى فى جميع انحاء العالم , شئ مقرف ومحزن ويسلط الضوء على منظومه الغباء والتخلف التى تدير البلد المنكوب

2 - أخي علي
عدلي جندي ( 2022 / 1 / 8 - 23:21 )
أشكر مرورك و تواصلك الكريم
حيث تكون الحرية والأمان تكون الأوطان
صدقني يا أخي الإطمئنان والسعادة في أبسط صورهم هما الحرية
في بداية الغربة كان ألم فراق الوطن صعب وبمرور الأعوام وبعد هوجة يناير إتضح أن الوطن يكون حيث تكون حريتنا
من دافع عن حق المغيبين والبؤساء في حياة حرة كريمة صار سجينا بائسا لا يجد بجانبه سوي عائلته وعدة منظمات حقوقية
لم تغير الحرية والأمان من فكر وحياة البؤساء
المرأة علي الرغم من القوانين التي تحمي خصوصيتها وحقوقها وتسهل لها حياة حرة كريمة في وطن يحمي حرية إختيارها تفضل حياة البؤساء معتقدة أنه دين السماء
المهاجر الذي يدعي أنه من أتباع خير أمة لا يساهم في تنظيف شارعه وتنظيم حياته وإثراء ثقافته بالتعايش وتعلم العادات الصحية والتنظيم يفضل الصلاة في الشوارع وتركها بعد الصلاة مزبلة
في بلد مهجري وبلاد مهجر إخوتي وأخواتي لم يختلف الوضع
بؤس هكذا ثقافة وعادات سيئة وفكر جاهلي رغم معيشتهم حيث الحرية والأمان
تحياتي

اخر الافلام

.. ليس معاداة للسامية أن نحاسبك على أفعالك.. السيناتور الأميركي

.. أون سيت - تغطية خاصة لمهرجان أسوان الدولي في دورته الثامنة |



.. غزة اليوم (26 إبريل 2024): أصوات القصف لا تفارق آذان أطفال غ

.. تعمير - مع رانيا الشامي | الجمعة 26 إبريل 2024 | الحلقة الكا



.. ما المطلوب لانتزاع قانون أسرة ديموقراطي في المغرب؟