الحوار المتمدن - موبايل
الموقع الرئيسي


الجنون هو... (٢٠): -رغاية هانم-!!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

2022 / 3 / 8
كتابات ساخرة


الجنون هو... (٢٠): "رغاية هانم"!!
عزيزتي "الرطاطة" (رغاية هانم):
تحية طيبة وبعد.. في الحقيقة، الناس إللي حواليكي مش هي إللي متبلدة، أو باردة، أو بطيئة في الكلام..إنت إللي ربنا ابتلاكي بإيقاع سريع (مجنون) - وغريب قوي - في الكلام يخليكي تعملي١٠٠٠ كلمة في الدقيقة! ترسلي بس ما تستقبليش.. وتنقلي من موضوع لموضوع تاني زي الراديو المفوت (إللي بينقل لوحده عشوائيا ما بين المحطات) من غير ما تدي حتى فرصة للي قدامك يرد على الموضوع الأولاني..وكل شوية تقاطعي إللي قدامك بشكل (مرضي مرووش) مليان توتر!!! صدقيني لو شفتي - مثلا - الست "الإنجليزية" بتتكلم إزاي (تفضل مستمعة - بكل إنصات وأدب وإهتمام - لكل كلمة بيقولها الشخص إللي قدامها، لغاية لما يخلص خااااالص، وبعدين تبدأ كلام لما تحس إن دورها جه - مستهلة حديثها بكلمة Well)..لو شفتيها (يمكن تقدري تتعلمي منها حاجة)، هتتعقدي أكيد.. واحتمال تنتحري كمان وتريحي إللي حواليكي من زنك وعقدك ولسعانك وتوترك والهيبرة والأفورة إللي إنت فيها دي! لو لسه شايفة إن كل إللي حواليكي متبلدين وباردين وإيقاعهم بطيء وفيه تفاوت في السرعات معاهم ، يبقى العيب فيك إنت (حضرتك) ..الحقي نفسك بسرعة واستشيري أقرب طبيب نفسي..فيه antidepressants كتيييير قوي ممكن تهديكي (َوتهدك) شوية ("أيوه والله بتكلم جد ما بهزرش" - على رأي اللاسعة المستفزة المتوترة إياها).. مش ناقصة توتر وصداع - الله يكرمك!! وكل حالة وليها علاج إن شاء الله..بس مش ناقصة توتر وقلق ولسعان - الله يباركلك..كل واحد فينا فيه إللي مكفيه وزيادة!
وتقبلي خالص تحياتي وإحترامي





التعليق والتصويت على الموضوع في الموقع الرئيسي


التعليقات

1 - إعذرني يا ولدي
ماجدة منصور ( 2022 / 3 / 11 - 03:45 )
ليست المجنونة رغاية هانم...بل إنه من الجنون الأكيد أن نحاور تلك الرغاية0
هجر المجانين....نعمة عظيمة إن كنت تدري
لك التحية من قارة الكنغر

اخر الافلام

.. فلاشلايت... ما الفرق بين المسرح والسينما والستاند أب؟


.. -بيروت اند بيوند- : مشروع تجاوز حدود لبنان في دعم الموسيقى ا



.. صباح العربية | الفنان السعودي سعود أحمد يكشف سر حبه للراحل ط

.. فيلم تسجيلي عن مجمع هاير مصر للصناعات الإلكترونية




.. جبهة الخلاص الوطني تصف الانتخابات الرئاسية بالمسرحية في تونس