الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
من قصاصات أمان صقر اسكندرية .. البحر دا ..مش ملك حد
أمان صقر
2022 / 5 / 12الادب والفن
البحر دا مش ملك حد .. البحر دا .. ملكي أنا
أنا الصبية المرمرية.. أم الضفاير طايرة بيّة
أنا البنية أم الشهامة والمجدعة والمفهومية
عايقة ورايقة ..حلوة واسمي اسكندرية
وبحري الابيض.. نسمة العصر الطرية
ساعات أغيب .. أيام ف حُضنه
أو اخاف أقرّب .. بالسنة
أيام شطوطه تِغوَى عمري
وايام بيسقيني .. الضنـــــــــا
وبموجة بيزوّد أنيني .. وبصخرة بيخربش جبيني
لكنه يرجع ويداويني .. بموجة صافية لينة
مرّات يحسسني انه هادر .. علي رَمْلتى والشط قادر
وساعات عيونه .. حنينة
هوه اللي فهمني الغرام
هوه اللي علمني الغنا
بردانه وف عز الدفا
عمرى ما أبطّل دندنة
هو اللي حسسني ..إن ناسي دول
كنزي أنا
هوه اللي عرفني كيف أميز..
بين المعاني والبُنا
وف كل حالة من حالاته أنا ..غاوياه أنا
هو اللي فطّم قلب بيرم علي حلمه بـ بُكرايا
أيوه .. وليّنْ قلب سيد .. علمه يغني .. غنايا
وكيف وازاي يبقي الغنا .. يتصنّف كما مراية
حاطّة عينها ع اللي فات.. و ع الخطوة اللي جاية
وإن البشر ثروتي .. وكل اللي قدامي وورايا
هو دا بَحْري الجميل .. الابيض
وانا بنته الشقية .. اسكندرية
وانتوا لسه .. بتسألوا
أيوه .. لسه بتسألوا
ليه .. وليه .. أنا باعشقه..؟!
|
|
التعليق والتصويت على الموضوع في الموقع الرئيسي
.. القبض على الفنان عباس أبو الحسن بسبب دهس سيدتين
.. كرنفال الثقافات في برلين ينبض بالحياة والألوان والموسيقى وال
.. هنا صدم الفنان عباس ا?بو الحسن سيدتين بسيارته في الشيخ زايد
.. إيران تجري تحقيقا في تحطم المروحية.. وتركيا تتحدث عن رواية ج
.. ضبط الفنان عباس أبو الحسن بعد اصطدام سيارته بسيدتين في الشيخ
