الحوار المتمدن - موبايل
الموقع الرئيسي


نصيحة وعن تجربة:

نضال نعيسة
كاتب وإعلامي سوري ومقدم برامج سابق خارج سوريا(سوريا ممنوع من العمل)..
(Nedal Naisseh)

2022 / 5 / 18
كتابات ساخرة


)بالعامية السورية واعذرونا(
شايفين هاد أجحش واحد عندكم بالصف (الفصل الدراسي) اللي ما بيعرف الخمسة من الطمسة ولا كوعو من بوعه ولا الألف من خشبة التلفون وبيكون هيك متل المعاق والأبله والمهرج واعلى شهادة وصف بيوصله هو تالت ابتدائي شحط يعني بعد صف التالت رح يفصلوه من المدرسة لاستنزاف فرص الرسوب هاد بالتحديد ورجاء ورجاء حارا جدا بتحرموه اكتر واحد وديروا بالكم حدا يزعلو من هلق عم حذركم ودللوه وبرطلوه(أعطوه رشاوي ضيـّفوه رشاوي وكولا وبسكويت) ولا حدا من هالأغبياء الشاطرين يشوف حاله ويتكبـّرعليه ويعايره بجحشنته وكسله وغباؤه ويتفذلك انه هو الشاطر وبيعرف انكليزي ورياضيات وووو هالشغلات خليه يحنّي(من الحناء) فيها مؤخرته بس يكبر (الطالب الشاطر يعني) وحاولوا اكسبوا ودّه لأنه بيجي يوم سيكون له مستقبل عظيم جدا وسينتقم منكم جميعا ومن كل واحد تمسخر وضحك عليه وسيكون مسؤولا عنكم وعن وعن تعيينكم بالدولة الفاشلة وسيتحكم بمستقبلكم وملفاتكم كلها عنده من يوم كنتم سوا مع بعض أنتم وإياه بالتالت ابتدائي....ونصيحة اضربوا معه صحبة ومهمزوه من هلق واعطوه عناوينكم منشان بكرا بس تكبروا يساعدكم ويدير باله عليكم ويمشّي لكم كل اموركم بتلفون منه...وهدون الشاطرين والعباقرة والاذكياء والمتفوقين لا حدا منكم يعبّرهم ابدا وقاطعوهم ولا حتى يحكي معهم او يسلم عليهم لأنه لا مستقبل لهم على الإطلاق وبأحسن الأحوال الواحد منهم بيصير مهاجر أوغارسون مطعم بشي دولة غنية فيما وراء الحدود والبحار او سينتهي وحيدا بشي زنزانة من الزنزانات ورفبته ومصيره سيكون بإيد نفس هداك الجحش اللي حذرتكم من أنه حدا يزعله ...واعذر من انذر...
اسمعوا من هالدقن ولا تقولوا ما خبرتكم....(كان عزة ابراهيم الدوري مطروداً من المدرسة وتالت ابتدائي شحط باىعاً جوالا ولم يتخط الثالث ابتدائي لكنه تربـّع على عرش حزب قريش العربي الإسلامي قرابة الـ ٤٠ عاما حتى وفاته مؤخرا ومن المفارقات كان مسؤولاً عن البرنامج النووي العراقي أي عن أدمغة العراقيين وعلمائهم وعباقرتهم وقد أفلح في أمر واحد في حياته وهو تدمير العراق وجرّه، مع سيّده المهيب الركن صدام وهذا الآخير كمان بكالوريا أدبي شحط، إلى واحدة من أكبر كوارث العصر الحديث)...
عن جد ما السر أنه الدول الفاشلة تأتي بجحاش القوم وأفشلهم وأتعسهم وتضعهم في واجهة هذه الدول المفلسة والمنهارة والفاشلة والتي تنازع البقاء؟





التعليق والتصويت على الموضوع في الموقع الرئيسي


اخر الافلام

.. حورية فرغلي: اخترت تقديم -رابونزل بالمصري- عشان ما تعملتش قب

.. بل: برامج تعليم اللغة الإنكليزية موجودة بدول شمال أفريقيا




.. أغنية خاصة من ثلاثي البهجة الفنانة فاطمة محمد علي وبناتها لـ

.. اللعبة قلبت بسلطنة بين الأم وبناتها.. شوية طَرَب???? مع ثلاث



.. لعبة مليانة ضحك وبهجة وغنا مع ثلاثي البهجة الفنانة فاطمة محم