الحوار المتمدن
- موبايل
الموقع
الرئيسي
الشاعر الثائر مظفر النواب
حسن حاتم المذكور
2022 / 5 / 22مواضيع وابحاث سياسية
ألشاعر ألثائر مظفر النواب
جدارية في ألذاكرة ألعراقية
ــــــــــــــــــــــــــــ
خلگ البنفسج موش اله
ما مر قطار الليل
زعلان وي كهوة هله
ما بيهه ريحة هيل
يا حمد دگ كهوه
بلكت يحن الهوى
ويجيب جيته ألريل
..................
حلت زلفهه ولفته
جوريه معگوده خصر
مر بيهه صيف ومر شته
فضض گصايبهه الشكر
يا حمد غفوة سهر
بسكوت مر العمر
وتعده بينه ألريل
......................
يا ثلج ردتك طيف
تمر وتشتعل بيه
مثل ماي على ريج الصيف
اضوگك عطش حنيه
شربنه من السراب اوهام
حمد طفي النجوم ونام
بعد ما ظن يمر الريل
.................
يبچن شموع العرس
ما جن سوالفنه
فيّ المضايف شمس
بعيون لمتنه
يا حمد غاب الگمر
والعشگ صاح ابقهر
صيحة وصايه الريل
.......................
نرضه يميزان الذهب
بالعشگ لو غشيت
هز السنابل عتب
فز الكطه وفزيت
يا حمد ما ضل فرح
ملجوم بينه الجرح
علسده ما جه الريل
ــــــــــــــــــــــــــــ
بچه ليل المحطه دموع
دكن بابنه وردن
مثل خيط السمج مگطوع
خرزات العمر مرن
وصلن عتبة الشاهود
ــــــــــــ يتعثرن
لو نشدن حمد گلهن
نسه جيته ونسانه ألريل
20 / 05 / 2022
|
التعليق والتصويت على الموضوع في الموقع الرئيسي
.. إيطاليا: تعاون استراتيجي إقليمي مع تونس وليبيا والجزائر في م
.. رئاسيات موريتانيا: لماذا رشّح حزب تواصل رئيسه؟
.. تونس: وقفة تضامن مع الصحفيين شذى الحاج مبارك ومحمد بوغلاب
.. تونس: علامَ يحتجَ المحامون؟ • فرانس 24 / FRANCE 24
.. بعد لقاء محمد بن سلمان وبلينكن.. مسؤول أمريكي: نقترب من التو