الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
دقة حبيبتي
أمان صقر
2022 / 6 / 1الادب والفن
من قصاصات .. أمان صقر
،،،،،،،،،
دقت حبيبتي ع البيبان
دقة .. نسيتها من زمان
هزت فؤادي ..
اللي دبل قبل الأوان
مين بس مين .. دا اللي فاكرنا
دا كان زمان ..
دقت حبيبتي دقتين
قلت : النغم دا جي منين ..؟
ونفضت أحزان السنين
وداريت .. علي قلبي الحزين
يمكن صحيح .. آن الأوان
يمكن يطيب .. جرحي اللي كان
يمكن دا حُكم .. يمكن أدان
يمكن كمان .. وإيه كمان
معقول حبيبتي.. تهد سور ..
الغربة .. وتعدي البحور..؟
ولّا رسولها .. قمر جسور
يخلي بير العتمة نور
يبقي اللى غايب جه يزورنا
ممكن حنانه .. يبات ف دارنا ..؟
والفرْحْ يتعلم سَهَرنا
والغنوة تصحي للأدان
إهدى يا قلبي.. قوم .. وبطّل أسئلة
مش حتخسر إلا حيرتك..
إفتح .. وحِل المسألة
فتحْت قلبي .. والبيبان
فاجئتنى بسمة .. تفيض حنان
ولمسة دافية بإيد حبيبتي ع الحيطان
|
|
التعليق والتصويت على الموضوع في الموقع الرئيسي
اخر الافلام
.. فيلم شقو يضيف مليون جنيه لإيراداته ويصل 57 مليونًا
.. أدونيس: الابداع يوحد البشر والقدماء كانوا أكثر حداثة • فرانس
.. صباح العربية | بينها اللغة العربية.. رواتب خيالية لمتقني هذه
.. أغاني اليوم بموسيقى الزمن الجميل.. -صباح العربية- يلتقي فرقة
.. مت فى 10 أيام.. قصة زواج الفنان أحمد عبد الوهاب من ابنة صبحى
