الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
الصندوق الاسود
عمر عبد العزيز زهيري
كاتب و باحث و شاعر
(Omar Abdelaziz Zoheiry)
2022 / 6 / 30
الادب والفن
يلا احكيلكم عني شويه
عن شكل..بيبان فرحان
وعن نجمه حاضناها عينيه
وحكمه بتتنكر في جنان
بارسم ضحكه تملي فوشي
وعلي ايدي..
طبطبه بحنان
لكن تحت الوش حاجات
فيضان حزن وجرح قديم
زي عامود النور المطفي
ما يبانش الا فضلمه وغيم
جوايا فيه صندوق اسود
عازله وقافله بميت مفتاح...
الا انه بينشع اوقات
وسط الضحكه ما تعلي تلاقي
نغزه فقلبي لحد ومات
فجاة ينادي الحزن ويقعد
مالماضي يغزل مقامات
واما احاول اني اتجاهله
يعند ينده ناس تانيين
واما ادوس علي قلبي واقفل
القي الصندوق ضج انين
وابعد لاجل اتمالك نفسي
تستفردني ايام و سنين
والضحكه المرسومه تعافر
لاجل تداري ع المكنون
والنجمه فعنيه بتلمع
تبقي نجوم ودموع وعيون
وانهج من حزن مغرقني
واشهق من حملي المسنون
عايز احكيلكم عني حاجه
انا شكلي بيخدع بهدوء
كل ما ابان باضحك وباصهلل
ومالفرحه باسكر وبادوق
بتغيب الدنيا وتتراجع
كما نايم راجع بيفوق
والماضي بيبهت عالحاضر
باصغر وادخل في الصندوق
|
|
التعليق والتصويت على الموضوع في الموقع الرئيسي
.. ما حقيقة اعتماد اللغة العربية في السنغال كلغة رسمية؟ ترندينغ
.. عدت سنة على رحيله.. -مصطفى درويش- الفنان ابن البلد الجدع
.. فدوى مواهب: المخرجة المصرية المعتزلة تثير الجدل بدرس عن الشي
.. الأسطى عزيز عجينة المخرج العبقري????
.. الفنانة الجميلة رانيا يوسف في لقاء حصري مع #ON_Set وأسرار لأ
