الحوار المتمدن - موبايل
الموقع الرئيسي


جماعة التيار الصدري و حزب الدعوة، عناكب تأكل عناكب، ولكن

محمد قاسم علي
كاتب و رسام
(“syd A. Dilbat”)

2022 / 7 / 31
مواضيع وابحاث سياسية


المالكي كان مٌحقاً بما قاله عن مقتدى الصدر، في نفس الوقت كَشَفَ المالكي عن سوءته و سوءة الإسلاميين عامتاً.
أهم ما قاله نوري المالكي زعيم حزب الدعوة و رئيس الوزراء الأسبق ، "أني ردت أسوي الحشد مثل الحرس الثوري ولكن عرقلوا علية من أمريكا الى أيران "، موامرة، أحد الحاضرين يقول: أحنة عدنة مخطط على مستوى العراق و دولي بان راح نفرها و نجيبها منا و نرجع الامور بيدك. راح نشكل جيش بكل المحافضات ثورة راح نسويها، أحنة نريد غطاء مباركة الإمام الخامنائي ، أحنة نريد ظاهرياً ، لا نؤمن ب قيادات الشيعة الى في قيادتك أنت.
يتابع نفس الشخص كلامه لنوري المالكي: أما الحكومة ما راح تتشكل ما راح تتشكل ماراح تتشكل ، هسة حالياً و راح نخليها تفتر تفتر و ترجع يمك. أحنة لازم تصير دماء و هاي الدماء شرعية ، أحنة سماحة آية الله الميرزا يشيد بالدماء الجديدة ، لازم تصير دماء لأن أكو ناس متعدل إذا مو بدماء جديدة ، و أحنة مستعدين للدفاع عن العقيدة و المذهب.
المالكي: "أنا و الله أشعر بالطمأنينة و الإعتزاز من اسمع من شباب يدهم على السلاح و عقولهم واعية بما يحاك ، حتى اللي يحمل سلاح إذا مو واعي خل يروح يضرب نفسه بالسلاح اللي هو يحمله، انما السلاح مع وعي، وعي ديني و سياسي ، اليوم الوضع جداّ خطير ، و إستطاعوا السنة الحاقدين مو الطيبين ، أكو بيهم طيبين ، قلة هم الطيبين ، الأغلبية الكبيرة منهم حاقدين ، حاقدين لأن الشيعة الهم الحكم في العراق ، و حاقدين على المالكي لأن جانوا يكولون والله بالبيوت م ننام ، أسامة النجيفي ذولة و ظافر العاني،
أني عندي قضية صرت أحقد عليها ، الواقعية ، لا لا أرجوكم، حتلو يدخلون على نسوانكم راح تضلون تصيحون لا لا يا أخي ، حيدخلون على نسوانكم ، ولكم أشتغلوا هم صار سنين يشتغلون ، ولكم الأمريكان اشتغلوا ، و هذا التسليح موجود ، ولكم أسمعوا الحجي ، ولم أسمعوا حجي الحلبوسي ، ولكم أسمعوا حجي الخنجر، ولكم أسمعوا حجي مسعود ، ولكم انتوا شنو من ملة ، حالياً عدكم مقتدى الصدر ، الأنسان الذي لا يعقل ، هذا راح يضيع التشيع كله ، و هذا مرتبط بمشروع بريطاني مباشر ، وهسة جان يمي كاعد واحد مسؤول كبير في بيريطانيا ، يحجيلي عن عددهم ، الموجودين اللي هناك يتدربون في بيريطانيا, أنا اعرفهم أنا ضربتهم بكربلا و البصرة ، جبناء ، الان صاروا أجبن لان أديهم صارت متروسة دهن و فلوس ، ، اللي ياكل حرام يصير جبان ، ها ، هذولة أكلوا الحرام ، فرهدوا اموال الناس ، و اموال الدولة و قتلوا و أستباحوا الدماء ، أشكد قتل مقتدى الصدر ، ببغداد ، الاختطاف السيارات البطة ، هو يحجيها ، أني أردأكلكم الشيعة في خطر ، البعثيين الأن أرتقوا مراقٍ خطيرة ، و دخلوا في صلب الدولة ، سووا احزاب تحت عنوان تقدم، الحلبوسي هذا حزب تقدم قديم مو الحلبوسي مسويه فد واحد مسويه ، و توفى و الحلبوسي أستلمه ، يكله أحنة حزب البعث ، ولازم نخلي الشيعة واحد بالمية يصيرون." في نفس التسريب الصوتي يصف نوري المالكي مقتدى بالجاهل الذي لا يعقل."
يراهن المالكي بكٌل قوة على أن الشارع سيلتهب و أن الوضع أخطر في قادم الأيام من أي وقتِ مضى، المالكي على أتم الإستعداد لتمرير أجندته الإسلامية المتوافقة مع مصلحة إيران وأن كلّف هذا الفعل الدماء ، و أجج الإحتقان الطائفي، فالمالكي كما هو معلوم للجميع ، طائفي صرف، يٌسرف الكلام حول المؤامرات التي تحاك ضد عقيدته. ما قاله المالكي بحق مقتدى، يتوافق تماماً مع ماهو عليه مقتدى، و مما أقترفت يداه من جُرم و سرقة وما الى ذلك. في الوقت ذاته إن الصفات التي أسردها في حق مقتدى، تنطبق عليه هو ذاته، فهو ذاته، لص ، مٌجرم... كما أن جميع من تم ذِكر أسمائهم في التسريب الصوتي متورطين بالفساد و سرقة المال العام، لعل أخطر ما في التسريب الصوتي هو أن المالكي و عصابته من الأحزاب الإسلامية المتحالفة دائماً ما يستخدمون الشعب العراقي ذخيرة حرب لتمرير أجندتهم، حتى و أن كلّف ذلك مئات الآلاف من أرواح عامة، كٌل ذلك تعصباً لمسائل تاريخية، تمريراً لمصلحة سياسة خارجية تنتهجها دولة على حساب دول، غير مكترثين لأي أهمية قد يحملها الإنسان و أهمية صون كرامته.
فيما غرّد مقتدى الصدر رداً على تسريبات نوري المالكي ، في التاريخ المٌصادف 2022-7-18 "وأنا أيضاً أقول أن في قتلي شفوة و فرحاً لإسرائيل و أمريكا و الإرهابيين و الفاسدين. لكن العجب كل العجب أن يأتي التهديد من (حزب الدعوة) المحسوب على آل الصدر ومن كبيرهم المالكي ومن جهة شيعية تدعي طلبها لقوى المذهب .... في نهاية التغريدة يسرد مقتدى قائلاً ،هذا و أنني أبرأ أمام الله و أمام الشعب من أي تعدً عليه و من أي إستعمال عنف ضده."
في التغريدة ذاتها يطلب مقتدى الصدر من القوى المتحالفة مع المالكي ب بيان إستنكار ، كما يطلب من عشيرته التبرأ منه، و أعقب هذه التغريدة بعملية إقتحام لمجلس النواب و ظهر المالكي يحمل السلاح برفقة عدد من حمايته الشخصية متجوليين في باحات القصر، كأنه يقول انا مٌستعد للمواجهة، فيما دعى مقتدى في تغريدة له المحتجين الى العودة ،تحت هاشتاك ثورة محرم الحرام " ثورة إصلاح و رفض للضيم و الفساد وصلت رسالتكم أيها الأحبة فقد أرعبتم الفاسدين #جرة_اذن صلوا ركعتين و عودوا الى منازلكم سالمين. مقتدى الصدر" من الواضح جداً بأن هذه الأحزاب الحٌثالة بدأت المناكفة فيما بينها على حساب الششعب المغلوب على أمره، في كلامه يشير مقتدى الصدر بأن في مقتله فرحة ل أمريكا و إسرائيل و الإرهابيين و الفاسدين، هذا غير صحيح لأن في حياته خدمة للفاسدين فهو أحد أشياخهم، أما الإرهابيين فهو منهم و أما أمريكا فهو مٌتسلط تحت مرآهم، ف عما يتحدث هذا المٌقتدى!؟.
التسرييب السابع أخطر ما جاء من تسريبات المٌدوّن علي فاضل في قناته على منصة اليوتيوب ، تحت عنوان التسجيل السابع و الأخير من التسريب الاول لنوري المالكي... و للقصة بقية ، في تاريخ 30/7/2022 نص التسرييب " أحد الحضور: الأعداد ، أحنة خل نكون واقعيين. المالكي مٌقاطعاً: شكَد الأعداد ، المقاتلين عدكم. المتحدث يٌجين: محور ديالى، مقاطعة من شخص آخر يقول له، سعد شكَد عندك، الحقيقي الحقيقي. يٌجسب المدعو سعد: محور ديالى شكًد عندي؟ كله مضبوط أسم و جسم فعلي يعني هسة عدنة محور ديالى و محور جرف الصخر، محور حزام بغداد . المالكي: جرف الصخر مو للكتائب. أحد الحاظرين: مو اكو مٌشترك حجي. متحدث آخر: مشترك حشد الدفاع ، هذولة عددهم 300 ، جماعة حزام بغداد جماعة المحمودية هو كله جماعة كربلاء و الأنبار، هذولة كلهم تابعين النة هذولة كلهم إتحدوا وياية ، بإستثناء مازن التميمي يشتغل ضد المقاومة. المتحدث الآخر: عدنا الارشيف فيديو مخلينا وية أمراء العلوية شلون كًاعدين يعني بقيادتي و قيادة سعد. المالكي: شكًد عددهم تحت السلاح؟ المدعو سعد يٌجيب: اللي تحت السلاح بالواقع نكدر نكول 20 و أكثر، المتحدث الأخر: عشرين الف؟ . سعد: أي والله . المتحدث الآخر: حجي فد شهر تكدر تسوي فد شي. هسة آني عندي بديالى 3000 من ضمنهم 2000 1800 مقاتل كلهم عدهم سلاح جاهز. المالكي: هذولة العشرين الف حطيت ازيد كلهم مسلحين لو لا؟ . سعد: كلهم موالين (شيعة) و كلهم مسلحين ، نكدر نكًول 3000 غير مُسلحين .شكًد بالمية محور ديالى مجهزحجي . الشخص الآخر: محور ديالى 80% مجهز. المالكي: يعني الآن في حال أحتاجيتوا سلاح حتى تغطون 100%. سعد: نعم نريد 100%. المالكي: ثانيأً تحتاجون أموال حتى تسوون نثريات أشكال العمل العسكري و تحتاجون غطاء ، أولاً تكليف شرعي، ثانياً سلاح ، ثالثاً غطاء. سعد: حجي أحنة تعاونوا على البر و التقوى ولا تعاونوا على الاثم و العدوان. اللي تثكًل عليك تخف علينا و اللي تخف علينا تثكًل عليك. المالكي: إي بالخدمة ، هو هذا العمل اللي نمضي بيه ننتصر معاً و نستشهد معاً. سعد: ما خضعنا لاي مخلوق هسة محور ديالى أحجيلك واقع ، أحنة مسيطرين، محد يكًدر يندك بينا. أما بدر أحنة لواء أئمة البقيع آني الأمر قبل 3 سنوات سيد طالب و جماعته هادي العامري جابوا علية امن الحشد 42 سيارة طبوا علية بالجبل . الله شاهد حصرتهم منا و منا أمن الحشد منو يكًدر وياهم ، الشخص الآخر: أبو زينب اللامي؟. سعد: أبو زينب اللامي و حصرتهم طلقات خبز بالأحادية آني منو يكًدر يوكًف بوجهي زين وهادي العامري تدخل و أبو مهدي المهندس تدخل الدنيا نكًلبت، أحنة نريد غطاء مال مقاومة أحنة نريد غطاء مال مقاومة أذا المقاومة دعمتنا أحجيلك. المالكي: الحشد الآن مسيطر على ابو زينب اللامي عقلية أبو زينب مو مال يدير الحشد ولا فالح الفياض يدير حشد ولا هادي العامري يدير حشد. الشخص الآخر. غلطت انت غلطة جبيرة حجي، بفالح الفياض. سعد: اللي ببالنة أحنة نسوي أقوى قوة بحيث إذا نريد نسوي إنقلاب نكًدر نسوي إنقلاب، ناخذها بالقوة. أحنة زلم. المالكي: هسة ما نريد إنقلاب، نريد ندافع عن ديننا ، وشمدريك أحنة ما راح ندخل حرب شاملة وية السنة. سعد: آني شلون آخذها أذا ما أخذها بالسيف، أضلاتفرج؟. الشخص الآخر ، آني علية 10 محافظات أسقطها تحت أمرتك وحق علي إبن أبي طالب. المالكي: الاستعدادات علمية واقعية على الارض ، أنا العمل العسكري مو شعار. سعد: قيادة حقيقية. المالكي: سلاح و وضع قانوني و مدعوم بمؤيدين بعلماء و مراجع. سعد: موجود مؤسسات ثقافية عدنا."
نداء الى الإدعاء العام بفتح تحقيق مع كٌل من ذٌكرت أسمائهم في هذه التسريبات، السؤال هو هل يوجد إدعاء عام في العراق أم أن قانون الغاب هو من يحكم في جمهورية الموز؟ أنا أرجح أن سيادة قانون الغاب على الموقف في ظل كيان الدولة الإسلامية.





التعليق والتصويت على الموضوع في الموقع الرئيسي


اخر الافلام

.. خطة بايدن تزيد الانقسام في حكومة نتنياهو| #غرفة_الأخبار


.. الانتخابات الرئاسية الإيرانية.. مرشحون كثر وتحديات كبيرة| #غ



.. السعودية تسعى أن تكون قوة نووية محمية باتفاقية دفاع أميركية


.. لجنة طوارئ البلديات في شمال قطاع غزة تعلن جباليا ومخيمها وبي



.. إعلام موال للنظام السوري: مقتل 17 شخصا وإصابة 15 آخرين جراء