الحوار المتمدن - موبايل
الموقع الرئيسي


-(حايط انصَـيـّـص) مهداة الى ثوار تشين

ميسون نعيم الرومي

2022 / 10 / 1
الادب والفن


-(حايط انصَـيـّـص)
مهداة الى ثوار تشين
ميسون الرومي

هـذا (العراق) الچان هيـبه اوتـرافـَه
-(حايط انصَـيـّـص) صار مَحَّد يِخافـَه
***
مَحَّـد يِخافـَه حيـف .. والكـل تـنـِهـشـَه
-(قُمـْبـر) اوكومه اسلاح .. امن الجَو تضربه
***
امن الجَو تضربه اتراك ويـّاهـّه إيران
كـِتلوْ شعبنه اشرار.. رَوْعـَـوْ السكان
***
رَوْعـَـوْ شعبنه اشرار محـَّـد يـِكعـْـهم
سـافـل حرامي اليوم .. للوطن يحكم
***
للوطن يحكم حيـف لملوم اجانـَه
موت اوخراب اديار اشبعنه مهانه
***
اشبعنه مهانه اوذل .. صار النه عقدين
واللي گبلهه اعقود .. شو جـَـنـَّـه ميتين
***
شو جـَـنـَّـه مـِـتـْـنـَـه ليش نتحـَـمـّـل الذل
من الظلم والجور شـو .. صرنه منـخل
***
عيشة ظلم ياناس .. والنفط مبيـوگ
عند الغرب الفلوس .. والبلد محروگ
***
هدَّوْ علينه اذناب ! خربوْ وطنه
صار العراق ارماد ! بالفگرعشنه
***
بالفگر عشنه اسنين .. ضاگت علينه
هبّ الشـباب اليوم .. لازم نعـيـنـَه
***
هب الشباب اليوم .. يـنقـذ وطـَـنـَّه
الولدك تصير أسـْـوارْ .. ها يا شعبنه
***
-(تشرين) هذا الثار .. يـِعـْـدل الميزان
الثـوره نـار اونـور.. وابـكـل الأزمان
***
وانحاسـب (الأوغـاد) والبـاع الاوطان
يضويي العراق ايشع بـ (اطيافه) للوان
---------------------------------------------
1 / تشرين الأول / 2022
ســــــــتوكهولم





التعليق والتصويت على الموضوع في الموقع الرئيسي


اخر الافلام

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ



.. اللعبة قلبت بسلطنة بين الأم وبناتها.. شوية طَرَب???? مع ثلاث

.. لعبة مليانة ضحك وبهجة وغنا مع ثلاثي البهجة الفنانة فاطمة محم



.. الفنانة فاطمة محمد علي ممثلة موهوبة بدرجة امتياز.. تعالوا نع