الحوار المتمدن - موبايل
الموقع الرئيسي


النواب جرجرونا عَ المحاكم ..!!

كامل النصيرات

2006 / 10 / 3
كتابات ساخرة


من زمان جلدي يحكني على حَبْسة ..ما أنا حكيتلكوا ..وإنتو ما عليكو مْخبّى ..!! بس ما كنت أتوقّع إني رح أتجرجر عَ المحاكم وبرمضان ومن مين..؟؟ من النواّاااااااااب ( حاميين حمى الشعب ) ..!! بسيطة ..!! كنت أتمنى أن تكون شكوتهم محرزة ..وجرجرتي هذا اليوم لن أنساها ..فليس من القليل على واحد مثلي ؛ من أوّل رمضان ما وصل عمّان ..قاعد وملطوع في الغور ..يتعبّد ويزهد في صخب المدينة ؛ فجأة إلاّ وطالعلك أربع خمس نوّاب ..قال إيشْ ..يشكو عَ الشعب ..؟؟ أنا لا أعرف النواب الذين تقدّموا بشكوى ضدّي وضد رئيس التحرير ( أبو بيدر ما غيرو ) ..ولكني سأقول وأجري على الله ..لن يكونوا نوّاب معارضة ..سيكونون نوّاب حكومة ..لن يكونوا ضد عملية السلام ..سيكونون مع وادي عربة ..لن يكونوا ضد قانون مكافحة الارهاب ..سيكونون من الذين مرّقوه وزرّقوه ..لن يكونوا ..ولن يكونوا ولن يكونوا ..وسيكونون ويكونون ويكونون ..!! لأن المعادلة ببساطة ..من يرفع قضيّة على واحد مسخمط مثلي ومثل رئيس التحرير ( أبو بيدر ما غيرو ..مش مسخمط كثير كثير ) ..لن يكون إلاّ من الذين توجعهم الحقيقة ولا يريد أن يواجهها ..فأحرى بالشعب أن يرفع قضية على النواب ..بس بسيطة ..الأيام كلها مشقلبة ..؟؟ ..وأنا لغاية الآن لا أعرف إلاّ إنني متجرجر اليوم عَ المحكمة على شان صورة كلب نازلة في صفحتي بالجريدة ..!!
كان نفسي تكون الحبسة محرزة ..بس راحت عَ النوّاب ..لأني لن أحبس هذا اليوم ..إلاّ إذا صار اشي في الدنيا ..لسبب بسيط ..أن الصورة المنشورة ..لا علم لي بها ..ولست صاحب الحق في الموافقة أو المنع على النشر في الجريدة ..يعني بالمختصر ..عندكو رئيس التحرير ( أبو بيدر ما غيرو ) دقّوا فيه على كيف كيفكوا ..واحبسوه ..وشحططوه ..وخربطوا كيانه ..بسيطة ..ابو بيدر بستاهل كل خير وبستاهل هيك مرمطة ..!!
نوابنا الكرام ..إذا بدكو تدورولي على حبسة لطولة لساني عليكو ..فدوروا منيح ..مش تيجوا على شغلة ما إلي دخل فيها ..هُبْ طُبْ لزِّقْ ..؟؟ بس بدي أعرف مين إللي دلكوا هالمدلّة ..!! آآآآآآآآه ..تذكرت ..انتو دورتكو مفضوضة ...!!! أيوه أيوة ....عشان هيك بتدوروا على شغلة تشغلوا حالكوا فيها ...!!؟؟ أيوه ..أيوه ..هسه ..وهسّع ..وهسّاع ..وهلاّ ...فْهِمِتْ ..!!
نوابنا ..يا مروحين على دوركوا كمان شوية...أنا رح أطلع منها زي الشعرة من العجينة ..هيه هيه هيهههههههههههههه..!! إلاّ إذا عجينكو صمغ من أقوى نوع ...!!





التعليق والتصويت على الموضوع في الموقع الرئيسي


اخر الافلام

.. صراحة مطلقة في أجوبة أحمد الخفاجي عن المغنيات والممثلات العر

.. بشار مراد يكسر التابوهات بالغناء • فرانس 24 / FRANCE 24




.. عوام في بحر الكلام-الشاعر جمال بخيت يحكي موقف للملك فاروق مع

.. عوام في بحر الكلام - د. أحمد رامي حفيد الشاعر أحمد راي يتحدث



.. عوام في بحر الكلام - الشاعر جمال بخيت يوضح محطة أم كلثوم وأح