الحوار المتمدن - موبايل
الموقع الرئيسي


بطلة العالم في المصارعة ندى مدني

بوسي الجمسي
كاتبة مقال أدبي و رواية و قصة قصيرة
(Bosy Elgamasy)

2022 / 10 / 24
مقابلات و حوارات


(حوار خاص مع بطلة العالم في المصارعة ندى مدني)
المصارعة اللامعة التي تمثل ظاهرة في الوسط الرياضي، فعلى الرغم من صغر سنها كسرت القوانين وأصبحت بطلة العالم، بطلة لا تعرف المستحيل، صهرت بعد المسافة بين أسوان والعاصمة لتجعلها وقودا جعلها تصرخ عاليا صرخة نصر لتعلن للعالم كله عن ملكة جديدة أتت من صعيد مصر لتتربع على عرش المصارعة.

متى بدأت المصارعة ندى في التدريبات؟ وما هو مسقط رأسها؟
_٢٠١٣م كانت بدايتي.
أنا أصلي من أسوان لكن اتولدت في الإسكندرية وعايشة فيها.

ما هي انجازاتك الرياضية؟
_٥ ميداليات ذهبية و٥ فضية في بطولة افريقيا، برونز عالمي ٢٠١٦م بطولة العالم للكديت، خامس عالم عسكري ٢٠١٩م، برونز عالمي ٢٠٢٢م بطولة العالم تحت سن ٢٣، مركز أول بطولة دولية للمصارعة الكلاسيكية في لبنان.

بماذا تحلمين في مشوار نجاحك؟
_ الحلم والهدف البعيد هو الميدالية الأوليمبية ورفع علم مصر من جديد.

ما هي العقبات التي واجهتك لكي تصبحي بطلة العالم؟
_العقبات كانت في الدراسة، أنا طالبة بالفرقة الرابعة كلية تمريض جامعة أسوان، بعد المسافة من اسكندرية أو القاهرة إلى أسوان بتبقي معاناة، بضطر إني أروح وآجي باستمرار عشان أوفق بين الدراسة والتمرين، وقلة الإمكانيات والدعم، الميدالية جاية بمجهود مني ومن المدربين مع قلة دعم وإمكانيات. توفير الدعم والإمكانيات بتوفر لينا خبرات وزيادة مستوى أكتر عشان نقدر ننافس بقوة مع أبطال الميزان.

إذا طلب منك حبيبك اعتزال المصارعة لأنها لا تناسب النساء، هل ستوافقين؟
_هههههه لا هقولوا بالسلامة إنت دلوقتي.

ما هو تعليقك على أداء الاتحاد؟
_ممتنة جدا لرئيس الاتحاد، دعمني جدا الفترة اللي فاتت، كنت معسكرة في المركز الأوليمبي، كان بيجي يحضر التمرين باستمرار علشاني، طبعا كنت معسكرة لوحدي مفيش بنات كنت بتمرن مع ٣ولاد فقط.

لمن تديني بالشكر؟
_لدكتور وصال، هو خطط للماتشات بشكل كويس وأنا نفذت التوجيهات والتعليمات اللي قلهالي.

حدثينا عن أصعب ماتش في بطولة العالم.
_أصعب ماتش كان المجري علشان كان حيدخلني أنافس في المربع الذهبي وأضمن ميدالية، وماتش المانيا النهائي طبعا.

لمن تهدي البطلة ندى مدني الميدالية البرونزية في بطولة العالم٢٠٢٢م؟
_أهديها إلى الوزير وأطلب الدعم مش لندي فقط أتمني الخير يعم علي الكل المصارعة النسائية عموما، أتمني راعي عشان يتعملي إعداد خارجي وداخلي كويس يخليني أقدر أنافس أبطال ميزاني.

هل حاربك أحد بسبب الغيرة؟
_ربنا العالم حضرتك بننحت في الصخر، صبرت علي أذى وصبرت علي استبعاد بسبب مذكرات وكلام سلبي إتقال عليا: "مستواها قل، مبقتش تنفع"، صبرت وواجهت، استحملت، كان لازم أكمل وأثبت إن أنا ندى مدني بطلة العالم السابقة ومازلت بطلة العالم، عايزة أوضح إن دي تاني بطولة عالم العب فيها بعد حصولي على تالت عالم في جورجيا ٢٠١٦م، الغياب ده مكنش تقصير مني، بس المهم إني قدرت أثبت للعالم إني أقدر.

هل لديك الجرأة لذكر أسماء؟
_أقدر أقول مين حاربني لكن أنا أرقى من كده، بهتم حاليا بالسعادة بالميدالية والتفكير في هدف أكبر.

هل واجهت عنصرية بسبب كونك امرأة أو صاحبة بشرة سمراء؟ وكيف حاربت ذلك؟
_أكيد واجهت، وطبعا ده بيكون بسبب قلة الثقافة، وبالإرادة والنجاح تخطيت كل العقبات.
أوجه رساله لكل بنت إنها متركزش مع كلام الناس السلبي ولما هتنجح الكل هيسقفلها.
الشعب المصري محترم ونادر جدا لما بقابل حد عنصري ضد أصحاب البشرة السمراء.





التعليق والتصويت على الموضوع في الموقع الرئيسي


اخر الافلام

.. علماء يضعون كاميرات على أسماك قرش النمر في جزر البهاما.. شاه

.. حماس تعلن عودة وفدها إلى القاهرة لاستكمال مباحثات التهدئة بـ



.. مكتب نتنياهو يصيغ خطة بشأن مستقبل غزة بعد الحرب


.. رئيس هيئة الأركان الإسرائيلي: الجيش يخوض حربا طويلة وهو عازم



.. مقتل 48 شخصاً على الأقل في انهيار أرضي بطريق سريع في الصين