الحوار المتمدن - موبايل
الموقع الرئيسي


صفگت الإيد ابلإيد

ميسون نعيم الرومي

2022 / 11 / 13
الادب والفن


نلهي اونظل للموت .. يادنية ليويـن
حظنه نندبه اسنين ! والوكت عقدين
***
حظنه نندبه اسنين ! والدمع بالعين
كتلوْ ولدنه اذناب .. ماتسـوه فلسـين
***
خيرهم امجدي چان ، صايع اوضايع
ملكـوْ المليـارات ، والشــعـب جايـع
***
جايع شـعـبـنـه دوم حايـر ابأمـره
ساكت اومدري ليش والعيشه مرَّه
***
عيشة مذله اوعوز والنفط نجم
تاكل الخبز الحاف أمرك امسلم
***
أمرك امسلم ليش بيدك خلاصك
لو يطلع المليون اتحقـق مـرادك
***
ولدك ولد تـشـريـن ما سـانـدتهـم
بابشع طرق واسلوب سيحوْ دمهم
***
سيحوْ دمهم اوف حرموهم العيش
صفگت الإيد ابلإيد أمهم .. اوليش
***
امهم تنوح اسنين تطلب ابدمهم
متنعم اومرتـاح سـافـل كـتـلهم
***
سافل امن الأذناب قاتل ولدنه
باگوهه للثروات والونـَّـه النه
***
اصحه يشعبي اوثورلا ترضه بالذل
لو تطلع ابمليون تتراكض الكل
***
حقه شعبنه ايعيش عيشه سعيده
ياهو اليجي يوليه يگطع وريده





التعليق والتصويت على الموضوع في الموقع الرئيسي


اخر الافلام

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ



.. اللعبة قلبت بسلطنة بين الأم وبناتها.. شوية طَرَب???? مع ثلاث

.. لعبة مليانة ضحك وبهجة وغنا مع ثلاثي البهجة الفنانة فاطمة محم



.. الفنانة فاطمة محمد علي ممثلة موهوبة بدرجة امتياز.. تعالوا نع