الحوار المتمدن - موبايل
الموقع الرئيسي


شارع وقهاوي ومواصلات

محمد أبوزيد محمد

2022 / 11 / 16
الادب والفن


شارع
وقهاوي
ومواصلات
زحمة مواويل سايرة
و خطاوي وحكايات

دخان شيشة بيرقص
على خبطة دومنة
والزهر يزغزغ
بالشيش طاولة

بيضحك ع اللمة بالوهم
- ما الحظ عال ليه العيشة هم ف هم؟

التريلا بتزنق على أجرة
والتاكسي بيتشطر ع العجلة
والماشي مش عاجبه الواقف
والواقف مش عارف واقف ليه !

اللي بيجري مش عاجبه الماشي
والماشي مش عارف رايح فين،
وكله بيجري ورا بعضه
ومن بعضه .. والسكة منين؟

اللي بيجري من زحمة همه
واللي بيجري من وهمه
واللي فاتح للكل ايديه
واللي على جيب الكل عنيه

واهي ..
زحمة مواويل سايرة ودايرة
وخطاوي حكايات ناس ماشية ودايخة
متعرفش ظروفها ايه!
محمد أبوزيد التجاني





التعليق والتصويت على الموضوع في الموقع الرئيسي


اخر الافلام

.. شبيه الفنان دريد لحام ضيف صباح العربية


.. اللوحة الأخيرة لأشهر فنانة برازيلية تظهر فجأة .. والتحقيق سي



.. إلغاء حفل -هولوغرام- للفنانة الراحلة ذكرى في تونس.. ما السبب

.. موجة من ردود الفعل على رسالة حكومية مُسربة تؤيد ترشيح وزير ا



.. محمد الأخرس: الرواية التي قدمتها المقاومة الفلسطينية حول عمل