الحوار المتمدن - موبايل
الموقع الرئيسي


دارميات السنجاري

مصطفى حسين السنجاري

2023 / 6 / 5
الادب والفن

لا واشي لا نمّام ..... محّد يهمني
ما طول انت بخير ...... وحبك يضمني

وانت فرات الخير واحلى النسايم
وانا نخل يهواي عالشاطي نايم

اتمنى شوف هواي كل لحظة مرّة
مكَدر على فركَاه والفركَة مُرّة

مثل العسل ملكَاك يا غالي وينك
كل البشر من طين بس ذهب طينك

مكَدر أضمّ اهواك وانت عطرْبي
بيّة عطر ريحان اشلون اخبّي

جايج يا أغلى الناس بس افتحي الباب
الدنيا برد وليل والهوى غلاب

الروح هامت بيك والكلب همّين
يا غالي بس لا تصيْرْ ويْ همّي همّين

كحل حبيبي العين حنّي الچفافي
كل همي بس الﮔاك مطرة لجفافي

خلّي اليلوم ايلوم بس نبقى احباب
لا تتركيني ارجوج ذايب على الباب

مشتعلة روحي اعليك دخاني خلفي
نار وتشب ببخور محّد يطفّي

مشتعلة روحي اليوم حاركَني ولفي
نار وتشب ببخور محّد يطفّي

جن الكَلب يهواي بس كلّي وينك
هذا العمر والروح فدوة لعينك

رائع يبعد الروح يسلم وجودك
مثل الهوا والماي يغمرنا جودك

محلى وجودك هون دايم حضورك
مثل العطر فوّاح يا حلو نورك

محبوبي زين الناس همهم همومه
واللي يحب الزين محّد يلومه

وانت الشذى والطيب في زمن قاسي
يسعد صباحك دووووم ويّ الأماسي

هَم همّي همّ الناس هَم همّ الهمووووووووم
تالي يجي بذّات من قمقمه ايلوووووم

وحدك حبيب الروح بالكلب ساكن
كل ركن تسكن بيه احلى الأماكن

الكلب من فركاك صاحي شنيمه
(يهذي ويردد دوم بس (يا حريمه

مشكورة عالتثبيت ساخن رغيفك
ان شالله يا رب دوم عامر مضيفك

من دون كل الناس هام الكلب بيك
لا تبتعد يهواااي الله يخليك

آنه الجنت مرتاح شالله بلاني
تيهت درب البيت من شفتك آني

الجفا طبع اهواي ومن طبعي مالح (ما ألح)
وسط البحر عطشان والبحر مالح

---

---

---

التعليق والتصويت على الموضوع في الموقع الرئيسي

---

.. مت فى 10 أيام.. قصة زواج الفنان أحمد عبد الوهاب من ابنة صبحى


.. الفنانة ميار الببلاوي تنهار خلال بث مباشر بعد اتهامات داعية




.. كلمة -وقفة-.. زلة لسان جديدة لبايدن على المسرح


.. شارك فى فيلم عن الفروسية فى مصر حكايات الفارس أحمد السقا 1




.. ملتقى دولي في الجزاي?ر حول الموسيقى الكلاسيكية بعد تراجع مكا