الحوار المتمدن - موبايل
الموقع الرئيسي


-تقيل- قصيدة للشاعر طارق سعيد أحمد

طارق سعيد أحمد

2023 / 6 / 8
الادب والفن


#تقيل

لساني.. سجادة
جف!
كلام يعدي عليه
حافي
وكلام
يدوس عليه بالجزم
كنس التراب نحل وبره
وأنا عضمي زي النار
هش
غزل البنات بيمر
صور العصافير بتصوصو
ع الحيطه
جنان أو تمثيل
الوقت زي السكر بيمر
شيفاني عنيه هدوم
على كوم.. قش
خيال مقاته صايع
أو جسد
شف
مش فارقه كتير
أفكارها العسلي
كل أما طرح الشجر
عمره من عمري
خف
هكون بفكر
في صيغة تانية للزمن
وأنا مأجر لساني
قبر
الفرق كبير
بين العتمه والظلام
ومش فارق الكفر م العباده
تاني
كلام بيخلق
وكلام سياج
وكلام شبح
وكلام دش
ماانكرش
إني بدوب روحي
بضل صوابعي
في نهر النيل
كل يوم الصبح
وأنا بشرب قهوتي
وبضل ايدي التانيه
بدوب حواديت
في الشارع
كل يوم بالليل
السر فوق جبيني
محفور على جمجمتي
نقش
اتفضل كاس من دمي
إلعب معايه.. الخفى
تفاصيل أحلامك ساذجه
يا وغد
ورا الستاره.. مقص
قص الخيوط
فكك
اسمع
سمعت الرعد؟
أو دبة النمله؟
ماتسكتش
إبني لعصافير الحيطه
فوق كتفك
عش
#تسيالزم





التعليق والتصويت على الموضوع في الموقع الرئيسي


اخر الافلام

.. صور وفيديوهات انتشرت لعدد من الممثلين السوريين تجمعوا في -ذا

.. ماهر الملاخ: زاب ثروت عنده أغاني كتير وبيفكر في الغناء بقاله



.. كلمة أخيرة - الفنانة صفاء أبو السعود تكشف سر ارتباطها بحملة


.. رسام عرف يخطف قلوب المصريين 00 ياسين فنان ااحضارة




.. الفنانة صفاء أبو السعود تروي لـ أحمد سالم تفاصيل حفلة الجران