الحوار المتمدن
- موبايل
الموقع
الرئيسي
رقرشة الجيل الجديد
اشرف عتريس
2023 / 7 / 3كتابات ساخرة
طب والله حاجة غريبة السنادى فى امتحانات ( ث.ع)
العيال مش عارفين هم حلوا كويس ولا محلوش ، الامتحان عادى ولا صعب ،
عيال كتير مش بتكدب لكنها بترد عفوى بمنتهى السذاجة #معرفش
توهان ماتعرف ، غباء ماتعرف ، حوارات ماتعرف - الله اعلم
من زمان الدروس الخصوصية واوعى حد يكدب عليك ويقولك (مفيش) لأ ..
عندى 59 س والعام القادم معاش وبقولك حصل -
المهم ان العيال برضو السنادى فى الدروس بيحضروا فعلا الحصص
وبيدفعوا الفلوس والمراجعات كمان ومفيش تزويغ ولا خنسرة ..
لكن بيخرجوا من الحصص مش فاهمين ،
تسأل العيل : فهمت كويس من الحصة ؟
يقولك لأ ..
حسبى الله ونعم الوكيل فى المدرسين والعيال سوا ،
نيجى بقى لحلقة الشعر ، حاجات يعلم بها ربنا ..
الكيرلى ، بان ، ستريت هير بتوكة ، باص كت
طب يابنى وحشنى وشك والشعرعلى عنيك مش شايفك ، ايه ده !!
أما اللبس والهدوم دى حاجة تانية ملهاش وصف ..
خد 250 جند وراح جاب بنطلون مالوش 30 لزمة ،
لما كنت فى عمره كان عندى بنطلون باشتغل به فى اجازة الصيف ،
مقطع ومتهربد ومشحم وممسوح به السراميك الكسر ..
كده ومن الآخر وعلى بلاطه : منكم لله
#احنا_اهاليهم_شاربين_المر
|
التعليق والتصويت على الموضوع في الموقع الرئيسي
.. انتظرونا غداً..في كلمة أخيرة والفنانة ياسمين علي والفنان صدق
.. جولة في عاصمة الثقافة الأوروبية لعام 2024 | يوروماكس
.. المخرج كريم السبكي- جمعتني كمياء بالمو?لف وسام صبري في فيلم
.. صباح العربية | بمشاركة نجوم عالميين.. زرقاء اليمامة: أول أوب
.. -صباح العربية- يلتقي فنانة الأوبرا السعودية سوسن البهيتي