الحوار المتمدن - موبايل
الموقع الرئيسي


هضيمه

خلود الحسناوي
اعلامية وشاعرة
(Khulood Sabri)

2023 / 8 / 24
الادب والفن

من ضيم العليه
ومن كثر صدك
چتفت الدمع لمن نزل للگاع ....
ومن گد الخيانة النايمه بسدك
ماتدري ..
ولا تدري ،
گليبي طير وعلگ اوي اسماك ،
مايحمل هضم وفراگ
وچن دمه بنهر مسفوح ..
ياوسفة
ياوسفة وهضيمه
انه طلعت غلطان ،
وضنيتك وفي ؛ وتلم شظايا الروح
اول ما صحت جيتك ركض وبساع ..
ماقصرت ..
شگد ضحيت
شگد حنيت ..
بس انته وفي ،
وبيك الوفاء ينوح !!..
طبعك صاير من الحنظل أمر ياذيب ،
يامن امنت عندك هوى العشاگ..
شو خنت الملح والزاد !!؟
وماخليت للود ؟
لا رجا ولا باب ؟
صار يعز علي شوفك يبعد الروح ..
مو بس هاي لو تدري ،
خلصت العمر وياك
عركة بسوح ..
وون ونوح ،
وبعت الفات والعشره ..
هيج ؟
بساع ؟
هضيمه الراح من عمري ..
حزن ودموع
ماشفت الفرح فد يوم
راح الراح
وضاع الضاع
ولايرجع ابد يفلان ،
لانه انباع .

---

---

---

التعليق والتصويت على الموضوع في الموقع الرئيسي

---

.. الفنان محمد خير الجراح ضيف صباح العربية


.. أفلام مهرجان سينما-فلسطين في باريس، تتناول قضايا الذاكرة وال




.. الفنان محمد الجراح: هدفي من أغنية الأكلات الحلبية هو توثيق ه


.. الفنان محمد الجراح يرد على منتقديه بسبب اتجاهه للغناء بعد دو




.. بأغنية -بلوك-.. دخول مفرح للفنان محمد الجراح في فقرة صباح ال