الحوار المتمدن - موبايل
الموقع الرئيسي


مين الجاني ؟

ميلاد ثابت إسكندر
(Melad Thabet Eskander)

2023 / 10 / 16
الادب والفن


مين الجاني؟ *************
المشهد الأول : داخلي- محكمة- نهار.
أغنية المقدمة:
تعالوا بينا نشوف ونســمع اغرب قضية في الوجــــــــود
جوه التاريخ هنطوف ونرجع بحقيقة من زمن الجـــــدود
وفي لحظة دار بينا الزمــــان صار المكان غير المكـــان
المكان بقي محكمـــة !!!! في الأرض دي ولا السمــا؟
******** حاجة غريبة ! حاجة عجيبة ********
مين اللي واقفين يا تري؟ دي وشوش غريبة متحَيَّـرَة
مين اللي واقفين ياخَبَر ! أشكال غريبة ماهيش بَشَر!
******** حاجة غريبة ! حاجة عجيبة ********
الحاجب: محكمة
وكــيـــل النيابة :
الـيوم وبعد مرور زمان على موت الملك العظيم
لابـــد مـن محاكمة عادلة لمعرفة من هو الأثيم
وبالبحث والتحريات وجمع المعلومات والـبيانات
تــم الـقبض على خمـسة من الجنــــاة القاسيين
وهــا هـــم بــقــفـــص الاتــهـــام مــاثـــلـيــن
المتهمين الـخمسة: مظلومين مظلومين.
الــقـــاضـــي:
يطرق بالمطرقة ثم يقول : كمل ( لوكيل النيابة ).
النيابــــة :
مــسـمـار وحــربـة وتاج صلـيـب خــشــب كـرباج
كـــانــوا أدوات تــعـذيب قـــادوا نـيــران ولـهـيـب
وتـــسَبـبوا في آلام رَهـيبَة للرب الــفـادي الـحـبيب
ورغم الـخيانة وظلمهم عايـزين يدافعوا عن نفسهم
الــقــــاضـــي:
مـــادام ده وارد في الــقـــانون خلينا نسمع رأيهـم.
بــــس بـــمــيـــن راح نبتدي مين إللي يبدأ الكلام؟
الــنــيـــابــــة :
نبـتـــدي بأول مُــعــتـَـــدي أهو أي واحد والسلام.
(يبدأ الكرباج في الدفاع عن نفسه)
الكرباج:
أنا إللي هَبدأ في الدفاع أنا كنت أول معــــــتدي
بَعد يهوذا ما خان وباع ورئيس ألكهنة ألمُفـــتَري
هَقدم نفسي: أنا الكُربـاج، ليّ وظيفتي وهي ألجَلد.
لكن نفسي بدون إحراج، تسمَعوا مني من غير شـد.
أيوَه أنا عــــــارف أني بقسوة جَلدت البــــــــار
وجَرَحتُه بــــــــشدة، أكثر من الشوك والمسمار
كان مربوط فــــــيّ عظــــــــــام وحــــــــديد
علشان تجــــــــــرح جــــــــــرح شــــــــديد
والضربة بتنزل تجرح يامـا ولا كنت بَحِس بأي نَدامــة
ما أنا ياما جَلدت في بني أدمين، مظاليم كانوا أو ظالمـين
عُمري ما كنت بَحِس بنـَدَم، بَفَرح لما يـذوقوا ألا لـــــــم
ماهي دي وظيفتي ودي مهنتي، تعذيب الكل بقـــــوَّتي
لكن وأنا بَجلِد في يسـوع، حّسيت يومها بحاجه غريبـة
دمُه السايل صار ينبوع ورواني محبة بجد عَجـيبة
كل سيوري رواهـــــا بدمُه، دم ثمين غيـر دم البشَـر
وحاولت أني ابعد عن جسمُه بس الجلاد قلبه حَجـَر
كان يرفعني للسما فــوق، وينَزلنـي أزيـــــــــــدُه آلآم
وأنا بين ايده مَغصوب مَخنوق بَصرُخ بَس كفاية حرَام!
أنا حَنيت من قلبي بَكيـت، والجَلاد ماعرفش دمـــوع!
رغم أنه بيضرب في بريء، كان مبسوط من جَلد يسوع!
أصل القسوَّة دي طبع البشر، أيه بقي ذنبي قولولي عليـه؟
احكموا ونشوف مين ينتصر، وأنا راضي باللي هتحكموا بيه.
أنا راضي بإللي هَتحكموا بيه .
********************
المشهد الثاني : داخلي _ محكمة _ نهار .
صوت الحاجب : الـمـتهم الثاني
الــنــيـــابـــــــة : ما تمد يا جاني
الــــشـــــــــوك :
أنا مش جاني ليه بتهني كل الدنيا إتخَلت عَنـــي!
اهدا عَليّ شويه يا بيه، مالك مستعجل كده ليه؟!
الــنــيـــابـــــــة :
طب يلا أتــكــلـم سمعنا، هـَتقول أيه وتصَدعنا؟!
الــقــــاضــــــي : قــدم نــفـسـك
الـــشــوك : بيقولوا عَليّ نبات شــيـطاني، أصل أنا بَطلع كده ربانـي
لا بتزرعـــني ايد فــــــــلاح، ولا يحتَجنــي حتـي الجانــــــي.
قلب الصحرا هـو مكاني، ما أنا طول عمري بقاسي وأعاني!
شمس بتحرَقني في نــهـاري، وفي ليلي الساقعَة هَلكانـــي!
هتموتوا من الــضــحك عليّ لو قُلتلكو بَصاحب ميـــــــــــن
عارفين العَقرب والــحــيـــَّـة، هُما أصحابي الطيبيـــــــــــــن
عرفتوا أنا مين يا بني أدمـين ولا لسه مش عارفـيــــــــــن
الــنــيـــابـــــــة :
أنت هــتــرغـي كتير وتفزر؟ قــدَم نـَـفــسـك مــش بــنهزر!
الـــشــوك : أنا الشوك المُحـتـَقَـر ، بين النبات، وكل شيء مزروع
أنا النهارده بفــتخـــــــــــــر، عَملوني تاج، فــوق جبينـك يا يـسوع
سابوا الذهب والــمـــــــــاس، والفضة والحجر الكــريــــــــم
صنعوا مـنـي باحــتـــــــراس، تاج للملك العظـيــــــــــــــــم
ما بقتش اخجل أنــي شـــوك، وأنا فوق جبين مَلك الملوك
ده كل شوكة انغرست فوق جبهـته، نَزَفت سيول من الدم تحكي محبته
ده حُبه فاق كل الــعقـــــــول، كل المعاني والــحـــــــــــدود
لو كان لي صوت هصرخ وأقول، هو الإله رب الــوجــــــــــود
لكن حقيقي ما كان بأيــــــدي أني اجرحه وتسيل دمــــــاه
ده الـــذنب مش ذنبـــــــي أنا ده ذنبكو أنتو الخـطـــــــــــــاة
ده ذنبكو انتو الخـطـــــــــــــاة .
********************
المشهد الثالث
داخلي _ محكمة _ نهار .
صوت الحاجب : الـمـتهم الثالث .
الــخــشــبــــــة :
مين التالت أنا ولا أنت ؟ " للمسمار "
الــمــســمـــار :
أنت نسيت طبعاً أنت !!!
الــخــشــبــــــة :
لا لا لأ الظاهر أنت .
الــنــيـــابـــــــة :
مين فيكو إللي عَليه الدور ؟؟؟
الخشبة والمسمار : مش عارفين .
الــنــيـــابـــــــة :
باين هَنلِف وهَندور ( بعصبية ) .
الخشبة والمسمار : باين مين ؟؟؟
الــنــيـــابـــــــة :
أنتو هتاخدوا وتدوا معايا، عايزين نخلص من دي حكاية (بعصبيَّة).
أطلع أنت " للخشبة "
الــخــشــبــــــة : أنا ؟.. أنا ولا أنت ؟ " للمسمار "
الــنــيـــابـــــــة :
أنت، أنت أطلع وبلاش شغل أونطا (للخشبة ) .
الــقــــاضــــــي : قــدم نــفـسـك. ( للخشبة ).
الــخــشــبــــــة :
أنا خشبة طويلة علي شكل صليب
كُنت زمـان قوي شجــــره عَـــفيــَّــة
تحت ظلالــــي يستنـيَ غريــــــــب
والأطفــال يلعبــوا حــــواليـــــــــــــــا
بين أغصـــــاني أنا عاملَه مَساكـــن
شــايلــَّـه طيــور السمــا جــــوايــــا
تَحتــــي وفوقـــي كـُلي أماكــــــــن
كل الراحــــــــــة بجد مـــعـايـــــــــــا
لكن لمـــــا قطعـــوا جـــــــــــــذوري
وبمُنشـــــارهُـم جوم نَــشَــرونـــــي
مَنعـــوا الضلــَّــة عن بنــــــــــي آدم
وكمـــــان شــّـــرَّدوا كل طـــيـــــوري
والأغرب من كده ومهيــــــــب
ما بنوش بيّ بيت أو مَــركِــب
صنعوا مني أداة تَعذيــــــــــب
كُنت صليب قائمين يــتركـِــب
بعد ما كان النَدَي يروينـــــــي
والأمطــار تغسل أغــصانـــــي
واسمع صوت عَصافير يسبيني
تسري البَهجَة في كل كيانـي
بقيَ يرويني دم الإنســــــــان
وتغطيني دموعُــه وعــرقُــــــه
ويقيد جسمي لَهيب بُركــــان
من تَعذيبـُه وجَرحُه وألــمـــُـــه
لكن إللي مأثر فــــــــــــــــــيّ
واحد كان مسكين غَــلـبــــــان
اسمه يسوع فادي البشريــــة
شالني قبل ما أشيلُه كــمــان
كُنت تقيل جداً علي كتفُـــــــه
ووقع بـيّ ده كان تـَـعــبــــــــان
شالني معاه واحد مِشي خَلفُه
قيرواني اسمــه ســمــعــــــــان
ومشينا والناس ياما وَرانــــــــــا
للجُلجُثـَـه وهناك حَــدَفــونـــــي
ثبتوا فيّ يسوع بمَهانــــــَــــــــة
وشدوا حبال ولفــوق رَفَــعـــوني
شِمتوا الناس في يسوع البــــار
إللـي بيضحَك وإللـــي بــيـسخَـر
واللي بــيــشــتــم باســتـهتــــار
واللي معاه كان خـــايف يــظهـَــر
خــايـــف يـــحـــمـل زيــُـه العـــار
كانت حاجــــة بجد تــــحَســـَّــــر
قـــادوا فــــيّ وفـــيـــــه النــــــار
قلبي بجَد عَليــه اتــكَــســـــَّــــر
صــــرت فــــي حيرَه عَذاب ومَـرَار
نــســيـــــوا خلاص الناس الدَين
ده يســــوع اللي جريــتـــوا وَراه
داللي خَـــلَـق للأعــمَي عنيـــن
ده اللي وَهَـب للموتَى حـــــيــاة
حتى في لحــظــة مـــوتُـه ألمُـه
لسَّــه بيُطلُــب ليكو غُـــــفــــران
وأنـــتـــو بـِـجَهـل حَكَمتـوا بِصَلبُه
راح فين حُبَك يا إنـــــســــــان؟؟
وبَعد ده كُلـُه بــتـــرمــــي ذنوبَك
وتحَملنـــي نَتـيــجـــة غـَــــــدرَك
بتــشَــيــلنـــي كُل عيوبـَـــــــــك
أنا بقَي من الشاهدين علي ظُلمك
أيوَه من الشــــــاهدين علي ظُلمك
***********************
المشهد الرابع :
داخلي _ نهار _ محكمة .
صوت الحاجب :
الـمـُتَهَم الرابع " لم يخرج أحد من القفص "
الــنــيـــابــــة : مين الـرابــع؟
الــحــَـربــَّــة : أصحى يا مُسمار .
الـمــسـمــار :
" بعد الأنتباه " : مين بينادي على المُسمار ؟
الــحـــربـــــــة : ســعــادة البيــه .
المــسمـــار : حضــرتـُـه نجار ؟
الــنــيـابـــــة : بتقـــول إيه ؟؟
الــمــسمـار : ماقولتش حاجة .. ده بس هزار .
الــنــيــابــة : طب أطلع يلَا بَلا استهتار .
الــقــــاضــــــي : قــدم نــفـسـك. (للمسمار).
الــمــســـمـــار :
أنا المُسمــار من المُتَهَمـيـــن ... بــقَــتـل يَسوع وده أمر مُهيـــن
اسمعوا مني حكايتي وشوفوا ... مــظـلـــوم ولاّ من الظالميـــــن
أنا مَصنــوع ووظيفتـي الآتـــي ... مع الــنَـجـَـــار أنا عــَبــد أسيــر
مَرَه يثبِت بـــيّ كَـراســـــــــي ... ومَـــرَه يـثـبـت بـــيّ سـريـــــــر
وفـوق الحيـط وجـوّه البـــــــاب ... وفـي كل أنـــواع الأخـــشـــاب
دانا كنت صديق يوسف النجـار ... وكنت صديق لــيــسوع البـــار
لكن مـَـرَه من المـَـــــــــــــرات ... خَدني جـُندي شكلُـه غَــريــب
مِشيِ بيّ كتير وقَطَع مَسافات، علي فين رايحين دا الأمر مُريب
أيه راح يعمِل بيّ الجـُنـــــدي ؟... هَيثَبتني في خـــوذَة حــديــد؟
ده صَحيح يبقَي غَشيم وأفَنـدي ...لما يدُق حـَديــد في حــديـــد
ومَد ايديه من جيبـُه طَلّعـنـــي ..وشُفت في أيدُه التانيّه شاكوش
وعلي أيدين الرَب وضـَعـنــــي ...مـيـن يرفَعنــي مين هَيحــوش ؟
عـَمَّـال بصرُخ مين يسمَعـنــي ... دول بَني أدميـن ولاّ وحـــوش ؟
فجأة وضــَرَب الضّربَة الأولـي ... غِبت عَن الدُنيـــا للَــحـــظــــــات
فوقت لَقتني في حالَة مَهـولَـــة ... بصــرُخ من كـُـتــر الضــربـــات
أنا مش بَصرُخ عَلشان ألَمـــي ... أنا واخد علــي كــــدَه وخَــلاص
أنا مش قادر أصدَق نَفســــــي ... فين الرحمَة والإحــــســـاس ؟
انا مَغروس في أيديك يا يسوع !!! وتسَبِبِت في نـَــــزف الـــدَم !
انا متألم أنا مَوجــــــــــــــــوع .... مين يـرفَـعـــني مين يهتَـــــم !
مات الحُب خَلاص في قُلوبكـم ؟؟؟ د أنا من صـُلب لــكــن حـَنِيت
مش ده إللي قبلتوه في بيوتكُم ؟ إن كنتوا نسيتوا أنا ما نـسيـت
بأديه ياما أخرَج شياطيــــــــن ... والمولود أعمَي عـَمَّلُه عـيـنيـــن
ده إللي بخـُبز قـُلَيل شـَبـــَّـع ... كل النـاس مَمشوش جعانـــيـــن
بعد ده كُله تكافؤ أيديــــــــــــه ... إللي عرفتــوا بيها الخــيــــــــــر
وكمان مُسمار فوق رجليــــه ... دي مِشيت ياما عشانكو كـتيــر
أصل القسوّة دي طبع البشــر ..أايه بقَي ذَنبي قولولي عَـليــــه
احكموا ونشوف مين ينـتصــر ... وأنا راضـي باللي هَتحكموا بــيه
أنا راضـي باللي هتحكموا بــيه.
********************
المشهد الاخير
داخلي - محكمة - نهار .
صوت الحاجب : الـمـتهم الخامس : " تخرج الحربة من القفص "
الــقــــاضــــــي : قــدم نــفـسـك يا متهم .
الــحـــربـــــــة :
اسمَحلي يا قاضـي أتكلم، مش لازم أقـول أنا مين
أنا نفسي كلامي يعـَّلِم، في قلوبكم يا بَني أدمين
الــقــــاضــــــي : أتفضل أتكلم .
الــحـــربـــــــة :
انا مَبسوطَة عشـان هـَـتـكــلـم
وهـدافـــع عـــن كـــل أصـحابــي
بينا أيـوّه يسوع أتــــــــــألــــــــم
انا مـــش هَــنــكــر أو راح أداري
دأنا بَفتخر أن إحــنــا الــخمسة
كُنا أدوات تَعــذيــب لــيـــســوع
اصبـروا بس عليَّ لخــمـــســة
وأنا أوضَّـح كــــــــل المـوضـــوع
أنا شايفَه إن الـبَشَــر ابتسَمـوا
أوعوا تقولوا دي شالت الـتُهمَة
اسمَعوا بَس بَلاش تــتــرسموا
أناعـارفـاكـوا ولــيــكو أنا فاهمَة
بس أنا نفسي تــسافروا معايا
نرجَع لــبـدايــة الــبـشــريــــَــة
حوا وأدم كانــوا بــــدايـــــــــــة
هُما إللي اتـسَبـبوا في خَطية
وفي لَحظتها بـَـديــنا حكايـــــة
إللي أنــتـو عَـمـلتـوها قَضيــَّــة
يعني الجاني كان الإنــــســـان
وصَــدَر الــحُــكـــم عَليه بالموت
حَب الله يفديـه بحـَـــنـــــــــــان
لـكـن كـان للــفــــادي شـــروط
أنه يكــون ابن الإنــــســـــــــان
وبَرضــوا يــكـــون في الوقت إله
وده كُله إتجَسِد في كَــــيـــــان
صار لــيـنــا يـــــســــوع ابن الله
كان لازم علي خشبــه يــمـوت
ويــسـيـل دَمُه دَه شيء مَثبوت
وتحَمل جـَـــــرح الكـــُــربــــــــاج
والــمـَـسـامــيـر وكــمـان التـاج
وأنا أخـر الكُل طَعنتهُ فــي جَنبهُ
وفَــتحـت الــبـــاب للــمـحتــــاج
يعني الفادي سَدد بينا ووَفّي الدين
يبقَي إزاي تتجَنوا عَلينا يا بَني أدمـين
يبقَي إزاي تتجَنوا عَلينا يا بَني أدمـين
** بعد الانتهاء يدخل الفاصل الموسيقي الخامس ثم .
الــقــــاضــــــي :
النيابة هتقول حاجة ؟
الــنــيـــابـــــــة
لا يا أفندم خلاص، دَه دفاعهُم مَبني على أساس .
صوت الحاجب : محكمــــــــــة .
الــقــــاضــــــي :
بعد سَــمــاع أقـــوال الـنـيــابـَة ودفــاع الـمُـتـّهَـمـين
ومُراجَعة نصوص الـكـتــــاب وأقــــوال الآبـــــاء الأوَلين
فــقــد تَـبَـيـَّنت الحـقـيـقـة واضـــحَـــة وبكل البَراهين
لذلك حــَـكـــمــــت المَحكمـــة حضورياً ببراءة كل من
المُسمار والحربــــة والتاج والصليب الخشب والكرباج
( يصدر أنفعال فرحة من كل المتهمين ويخرجون خارجاً ) .
الــنــيـــابـــــــة :
غريبة يا أفندم لما دول يبقوا أبرياء! طيب مين الجاني ؟؟؟
الــقــــاضــــــي :
الـجـانـــي هو الإنسان إللي تَجاسر وكسر الوَصيّة
وأنــخـَـَدع مــن إبـلـيـــس إللي كان في صورة حَيّة
وكان لابُد من القصــاص فأجرة الخطية هي الـموت
فـجـاء يــســوع بالـخــــلاص وداس الـمـوت بالموت
وقــام الـمــســيـــح و وَهـــب لـــنــا الـحـيـــــــــاة
وصــيــَّرنـا أبــــــراراً بــَـعـــدمـــا كــُنـــا خــطـــــــاة
** يخرج القاضي و وكيل النيابة **
** يدخل الفاصل الأخير **
تمت بمعونة الله وفضله ،
#ميلاد_ثابت_إسكندر





التعليق والتصويت على الموضوع في الموقع الرئيسي


اخر الافلام

.. ملتقى دولي في الجزاي?ر حول الموسيقى الكلاسيكية بعد تراجع مكا

.. فنانون مهاجرون يشيّدون جسورا للتواصل مع ثقافاتهم الا?صلية




.. ظافر العابدين يحتفل بعرض فيلمه ا?نف وثلاث عيون في مهرجان مال

.. بيبه عمي حماده بيبه بيبه?? فرقة فلكلوريتا مع منى الشاذلي




.. ميتا أشوفك أشوفك ياقلبي مبسوط?? انبسطوا مع فرقة فلكلوريتا