الحوار المتمدن - موبايل
الموقع الرئيسي


قصيدة / مش بأيدى

مصطفى راشد

2023 / 12 / 17
الادب والفن


قصيدة : مش بأيدى
----------------
مش بأيدى يابنى يانور عينى
يبعدونى عنك وانت روحى ودمى
كان أملى أكون العمر جنبك
أحميك من غدر الأيام بعمرى وعينى
لكن الأشرار حالو بينك وبينى
وبكل قسوة فرقوا بينك وبينى
ببكى كل لحظة على فراقك
ياروحى ونور عينى
الحياة من غيرك مرة
وألم ميشعر بيه غيرى
فوضت أمرى لله
فى اللى حرمنى منك يانور عينى
فاكر ضحكك ولعبى معاك
وانت بتحبى وتمشى قدام عينى
واول يوم فى المدرسة
وأنا بحضر معاك اول يوم مدرسى
وكل سنة بصاحب زملائك ومدرسيك
منا بهتم بكل شيئ له صلة بيك
وأموت لو أشوف شيئ يبكيك
وتوصيلك وإرجاعك من المدرسة
بالنسبالى عمل مقدس وحبا فيك
واهم من عملى لأن كل همى أرضيك
حتى لو هاخد من عمرى وأعطيك
المهم أشوف السعاده فى عنيك
ولسه فاكر لما كنا بنلعب بالمنتزهات
وفى الألعاب والمراجيح بسندك وداديك
ولما أشوف ضحكتك بتجلجل بقول ربى يحميك
وأخاف عليك من نسمة برد تأذيك
ولما تنام أنقلك لسريرك وأغطيك
وكنت براعى لبسك وأكلك علشان أغذيك
وعمرى ما أكلت لقمة إلا معاك
ولا عرفت السعادة إلا بيك
انت أبنى وكل صحابى لأنى بحيا بيك
حرمونى منك الأشرار وربنا يحميك
كان أملى أعيش كل حياتى أرعاك وواسيك
لكن مش بأيدى حرمونى وحرموك
وقرروا بقسوة يئذوك ويتموك
رغم انى عايش ضرونى وضروك
حسبى الله ونعم الوكيل فيهم
وفى كل اللى ساعدهم ييتموك ويحرموك
مش بايدى يابنى ، سامحنى ، هما اللى ابعدوك
وحرمونى وحرموك
كلمات الأب/ مصطفى راشد





التعليق والتصويت على الموضوع في الموقع الرئيسي


التعليقات

1 - اه
ابراهيم المصري ( 2023 / 12 / 19 - 03:26 )
مولانا ربنا يكرمك ويفرحك كلام بسيط بيلمس ألبي

2 - ابراهيم المصرى ؟
على سالم ( 2023 / 12 / 20 - 04:57 )
كلام بسيط بيلمس البى ؟ المفروض تقول قلبى ؟ هل انت نجحت فى امتحان شهاده الابتدائيه ؟

3 - شكرا
ابراهيم المصري ( 2023 / 12 / 20 - 22:08 )
حبيبي تحياتي انا كتبت قاصدا للشيخ مصطفي بالعاميه المصريه متخصص في الاقتصاد وبنحاز للغه اللتي تدخل القلب مع كامل احترامي للعربيه ( لسان) اللتي نتدارس القرأن الكريم بها ه

4 - تعفيب
على سالم ( 2023 / 12 / 21 - 22:35 )
السيد ابراهيم المصرى شكرا للتعليق وسعيد بردكم الكريم

اخر الافلام

.. ملتقى دولي في الجزاي?ر حول الموسيقى الكلاسيكية بعد تراجع مكا

.. فنانون مهاجرون يشيّدون جسورا للتواصل مع ثقافاتهم الا?صلية




.. ظافر العابدين يحتفل بعرض فيلمه ا?نف وثلاث عيون في مهرجان مال

.. بيبه عمي حماده بيبه بيبه?? فرقة فلكلوريتا مع منى الشاذلي




.. ميتا أشوفك أشوفك ياقلبي مبسوط?? انبسطوا مع فرقة فلكلوريتا