الحوار المتمدن - موبايل
الموقع الرئيسي


صحايى الملخبطين

اشرف عتريس

2023 / 12 / 23
كتابات ساخرة


دولم هدية ربنا ليا فى اوقات عصيبة وزى الزفت ،
كنت باحس ان ربنا بيطبطب عليا لما بعت لى الناس دى صدفة وقدر
وكل شئ فى حياتى لفترة معينة ، مرغم عليك يا ُزمُل
يعنى فى الجيش واحد كان معايا من المنصورة واثناء الخدمة بالسلاح
على المكاتب ونحن فى منتهى اليقظة – لانوم ولا دمع – يقف يقول :
ولما تلقى نقلة لفت – تعرف بأنك تُهت وضعت (من الليلة الكبيرة )
وغًلبت اصحح له المعنى والصياغة واقوله : مقلة ِلب – يعنى محمصة بتاع السوادنى ياض
لكن البعيد مخه جبس وجسمه جاموس ابيض هيفهم ازاى !!
واحد تانى فى وسط طابور الهتاف (فى المغرب كده) قبل نوبتجية البرنجى
ومن غير أى داع ولا مقدمات يمسك ودنه ويقول بصوت مسموع : ترالالا
وتلقانا مسخسخين للتكدير والعقاب وهيطلع عين ابونا بسبب ترالالا ..
التالت وربنا مايوريكم منتهى الغباء رغم انه كان ليسانس حقوق ،
لايمكن يعمل حاجة صح ، تقريباً كنا هنتحاكم أكثر من مرة بسببه ،
ده الصاحب اللى يغرق حرفياً وعنده كم من البلادة يا جدع ، حاجة صعب
بس وجوده ضرورى لكسر الوقت والملل والضجر والزهق والفلس وكل حاجة
كان سبب للضحك وفوات الايام على خير وبقت ذكرى مليحة #نوستالجيا
ناس غريبة وحركات ملهاش آى تفسير ، لاعقل لا منطق ولا مؤهلات ولا
حاجة تنفع تقيس بها سلوك صحبة الميرى .. حاجة آخر لخبطة فى الدنيا
#آه_والله_كده





التعليق والتصويت على الموضوع في الموقع الرئيسي


اخر الافلام

.. بحضور شيوخ الأزهر والفنانين.. احتفال الكنيسة الإنجيليّة بعيد

.. مهندس الكلمة.. محطات في حياة الأمير الشاعر الراحل بدر بن عبد



.. كيف نجح الأمير الشاعر بدر بن عبدالمحسن طوال نصف قرن في تخليد

.. عمرو يوسف: أحمد فهمي قدم شخصيته بشكل مميز واتمني يشارك في ا



.. رحيل -مهندس الكلمة-.. الشاعر السعودي الأمير بدر بن عبد المحس