الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
غياب
عادل عياد
2024 / 1 / 28الادب والفن
بعد اول طعنة من الحياة
تصبح الطعنات اللاحقة مجرد خربشات
فتحت بابي بعد غياب
ملقتش ال منتظر
التراب ساكن المكان بهدوء
وعنكبوت فارد خيوطه براحة
ومرايه لسة بتعكس صورتي وانا صغير رغم الشيب.
بلهفة العمر اللي فات
عيوني حضنو البرواز اللي كان أول اختياراتها زمان
كان حلمها نعيش جواه
لكن هو اللي عاش وحيد هنا
برواز مرسوم جواه
جزيرة وحيدة زيي انا
وبحر واسع زي قلبها
وسما صافية زي عيونها
كانت بتشبه الطبيعة في سحرها
شجره بتكرس ورقها وقت الخريف
وثمارها وقت الاحتياج
طير بيفرد جناحاته للسما
ويعلم السحب حرية الطيران
ويشجع الهوا على امتلاكه
في المكان ..
بيانو كان حلمه نعزف عليه سوا
ساعه لسه عقاربها بتمشي زي عمري بلا معنى
ماجين صامو من الولاده ولسه مفطروش على شفايفنا
شرخ واصل للنهاية
وغاية تعبت من الإنتظار.
هي .. رتبت المكان
هنا فازه
هنا اباجورة
هنا حب
وهنا حب
فرشت المكان كله حب.
ناقص المكان صوره لينا وهي واقفه جنبي بالطرحة
لكن قبل ما تلبسها بساعه
قلبها مستحملش الفرحه
لحظتها كبرت عمر فوق عمري
وروحها طارت سكنت البرواز.
|
|
التعليق والتصويت على الموضوع في الموقع الرئيسي
.. مليون و600 ألف جنيه يحققها فيلم السرب فى اول يوم عرض
.. أفقد السقا السمع 3 أيام.. أخطر مشهد فى فيلم السرب
.. في ذكرى رحيله.. أهم أعمال الفنان الراحل وائل نور رحمة الله ع
.. كل الزوايا - الفنان يحيى الفخراني يقترح تدريس القانون كمادة
.. فلاشلايت... ما الفرق بين المسرح والسينما والستاند أب؟
