الحوار المتمدن - موبايل
الموقع الرئيسي


نزهة في شارع أبي نؤاس

علوان حسين

2024 / 3 / 26
الادب والفن


في بغداد يشعر الزائر بالضجر بعد أيام قليلة . وللهروب من صخب المدينة وفوضى شوارعها المزدحمة بالناس والسيارات والباعة الذين شغلوا الرصيف حيث لم يتركوا مساحةً للمشي ، قررت الذهاب إلى شارع أبي نؤاس والتنزه هناك قرب النهر وبين الأشجار . توغلت بين الأشجار القليلة الهرمة توصلت إلى شارع ترابي يتوسط المنتزه الذي بدا لي مهجوراً تماماً . كنت أبحث عن تمثال أبي نؤاس شاعر الخمرة والجنون العذب . لا أثر للسكارى أو العاشقين والوقت بعد منتصف الظهر . سرت بضع خطوات لمحت شابين رجل وامرأة مدا بساطاً على العشب وجلسا مقابل بعضهما يتهامسان . على بعد خطوات منهما جلس شاب بمفرده على مصطبة يرقب الشابين العاشقين . في تلك اللحظة برقت في خاطري فكرة مجنونة اندفعت حيث الشاب الجالس وحده ودون مقدمات أخذت بيده وسحبتها بحزم وقليل من العنف . بوغت الشاب وترك جسمه المتصلب ينقاد لي بإستسلام .
⁃ مبين وحدك أكيد شاعر بالوحشة . بادرته بالقول ..
⁃ صحيح أنا وحدي ولكن شتريد مني ؟ لا أعرفك ولا تعرفني شنو سالفتك ؟
⁃ بصراحة ما عندي سالفة أنا وحيد مثلك وضايج حبيت أدردش معك ..
⁃ يا أخي أنا مشغول مو فاضي أدردش معك عوفني الخاطر الله ..
⁃ آني أخوك ما صدكت لكيت رفيج شلون أعوفك ؟
⁃ هاي شلون طلابة عرفه ولفه ..
⁃ أكلك أنته جوعان نروح نتغدا ؟
⁃ الغده على حسابي لو على حسابك ؟
⁃ على حسابي وتدلل ..
⁃ منو كالك آني جوعان ؟
⁃ مبين من وجهك ..
⁃ شبيه وجهي ؟
⁃ وجهك أصفر مثل الكركم ..
⁃ فك ياخه مني وروح خليني أرجع لشغلي ..
⁃ ما تكلي شنو شغلك الله يخليك ؟
⁃ يا أخي أنا صاحب كيف أنته أخو مزاجي ؟
⁃ لا طبعأ بس لو تشوفلك بنية وتكعد وياها على العشب تدردشون مو أحسن من هاي الكنبصةوتلصص على العالم ؟
⁃ أنته أحد دازك عليه ، شتريد مني ؟
⁃ عازمك نروح على السينما ..
⁃ بغداد ما بيها سينمات هاي المودة بطلت ..
⁃ نروح نتفرج على مسرحية ..
⁃ هاي أنته غير بطران وين أكو مسرح ببغداد ؟
⁃ بار نشرب بيرة ونغير المزاج ..
⁃ أكيد أنته جاي من المحافظات عبالك بغداد مثل قبل ، البارات عزلوها الإسلاميين صرنا مثل قندهار ..
⁃ زين الشاب شيسوي حتى يتونس ؟
⁃ شيسوي غير يبصبص على العالم ! عندي جمارك كيف يعجبك تكيف ؟
⁃ آني ما أدخن علمود صدري ..
⁃ إذا تشم عندي شي يخليك تحلق فوق ..
⁃ لا مع الأسف ما أتعاطى هاي الأشياء ..
⁃ لا تكيف ولا تتعاطى هاي الأشياء ما لكيت غيري ؟
⁃ آني أحب قراءة الكتب ..
⁃ مثقف حضرتك عبالي بطلت مودة الكتب ..
⁃ القراءة متعة وفائدة وتخليك تحلق في الخيال ..
⁃ بس الكيف والنسوان تخليك تحلق تروح ندور على شي وحدة من الدايحات ..
⁃ آسف أريد علاقة رومانسية ..
⁃ شني يعني رومانسية ؟
⁃ يعني علاقة مبنية على عاطفة وحب ..
⁃ خوش جا درب العاطفة والحب عبور الشارع اطلع بيه كبل وآني أرجع أشوف شغلي ..
⁃ مع السلامة ودير بالك على حالك ..
⁃ مع ألف سلامة ..





التعليق والتصويت على الموضوع في الموقع الرئيسي


اخر الافلام

.. سكرين شوت | الترند الذي يسبب انقساماً في مصر: استخدام أصوات


.. الشاعر أحمد حسن راؤول:عمرو مصطفى هو سبب شهرتى.. منتظر أتعاو



.. الموزع الموسيقى أسامة الهندى: فخور بتعاونى مع الهضبة في 60 أ

.. الفنان محمد التاجى يتعرض لأزمة صحية ما القصة؟




.. موريتانيا.. جدل حول أنماط جديدة من الغناء والموسيقى في البلا