الحوار المتمدن - موبايل
الموقع الرئيسي


عدنه حچي وانگولة

ميسون نعيم الرومي

2024 / 5 / 25
الادب والفن

عدنه حچي وانگوله
بعد عدنه حچي وانگوله
واضفاير شگر مجدوله
يگليبي بسك تحن
ليوين تبقه ممتحن
مزنه اوتمر ويـّه الجفن
دمعة فرح مدري حزن
صيف اوربيع اوشته
كل الوكت وافصوله
عدنه حچي وانگوله
……..
بعده الحچي عايز حچي
اعوازة فرح ملنه البچي
الگعده يم شاطي النهر
ايورد العمر يحله السمر
افي النخل وكت الفجر
حس البلابل ع الشجر
واتنطرت يمته تجي
والسكته صارت سوله
اهوايه حچي وانگوله
……
ورد او غفه بخدوده
يحله الوشم بزنوده
الكحله لاگت ع الجفن
رف الگلب ليـَه او يحن
والنجمة نامت ع الوجن
هاكثر عنده حسن!
مثل الغصن يا طوله
تاه الحچي النگوله
وينـَه الحچي النگوله؟
………………..
ســـــــتوكهولم
مايس / 2024

---

---

---

التعليق والتصويت على الموضوع في الموقع الرئيسي

---

.. الفنان محمد خير الجراح ضيف صباح العربية


.. أفلام مهرجان سينما-فلسطين في باريس، تتناول قضايا الذاكرة وال




.. الفنان محمد الجراح: هدفي من أغنية الأكلات الحلبية هو توثيق ه


.. الفنان محمد الجراح يرد على منتقديه بسبب اتجاهه للغناء بعد دو




.. بأغنية -بلوك-.. دخول مفرح للفنان محمد الجراح في فقرة صباح ال