الحوار المتمدن - موبايل
الموقع الرئيسي


ابن الجنوب الترف

ميسون نعيم الرومي

2024 / 6 / 27
الادب والفن


واعيـون ماويـه
بالگلب حبه وشـم
وامطرزه خدوده نجم
لو حچه صوته حلم
قداح من دربه نلـِم
ابن الجنوب الترف
الفي الشمس روحي ترف
الحب كلف..كلش كلف
يحله الغزل .. بيه اوإله
يتنعثر ابشفته عسل
جمار يا دمع النخل
للعين.. ضي اوكحل
فرحة گلب صبح وامل
حسنه حسن شع الضوه
نسمة سحر.. يا طلته
مشتاگه روحي اوبس إله
تسـألني وآنه شلوني
والضيم غير لوني
والدنيه ضاگت بيه
يابو گصايب ذهب..
واعيون ماويه
***
يابو گصايب خصل
سالوفة گلب ضوَّه الليل
فـَتـَّح ورد باس الوجن
يالبيك روحي تمتحن
وبشوفتك ضحكة نهر
عنبر ورد لمن تمر
رصعة ضوه فوگ النحر
حبك صبي كل العمر
بعيونك الحلوه فرات
واهوار والبردي اوگصب
دجله عذب .. كلش عذب
بچفوفي المك فرح
والرمش علمني غزل
يالحبك اهلاله كمل
راحت سنه وجتي سنه
دنيه زهت.. لمن تهل
كهرب ضوه .. عيون الشهل
تسألني وآنه اشـبيه ؟
والدنيه مالت بيه
يابو گصايب خصل
واعيون ماويه
-----------------------------
حزيران/2024
ســـــــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. صانع المحتوى أحمد النشيط يرشح أفلام يجب مشاهدتها فورا


.. بقارب مهاجرين.. الفنان بانكسي يفاجئ جمهوره خلال حفل والحكومة



.. -فيلم غير عالم السوبر هيروز-.. فيلم من إخراج كريستوفر نولان


.. صانع المحتوى أحمد النشيط يتحدث عن فيلم -inception-




.. ضبط المسئول عن تصوير أجزاء من أسئلة امتحان اللغة الإنجليزية