الحوار المتمدن - موبايل
الموقع الرئيسي


من أرشيف الابتلاء ـــ 13 ....

محمد نور الدين بن خديجة

2024 / 7 / 7
الادب والفن


ــــ من أرشيف الابتلاء .. 13
ـــــــــــــــــــــــــــــــــــــــــــــــــــــــــــــــــــــــــــ





ــــ السوق ..
ـــــــــــــــــــــــــــــــــــــ




رماني ليلك
لقنديل شاعل وقاد
همدت النفس
وضاع خنجر ماضي
ف غناية هبلة
وجمرة غطاسة
ف واد شحفان
واللي جاي اعرج
لابس ماصك نصراني
ومعنكو كياد ,,

أنا آش بلاني
رميت الصنارة
ف سوق العبيد
وتسنيت صبار
وثلث دمعات
سالت ع الارض
وناض تشاش
مديت اصباعي نشفرها
وقفوا علي مخازنية
اطفاوا التشاش
وقطعوا لي ليد ..


وانا آش بلاني
واش اداني للصيد
هذا سوق لعبيد
والدلالة ع لحديد
والحداد ينفخ الكير
والدرهم ف قاع البير
يمكن تنقص
يمكن تزيد
يمكن تعلي وتدلي
وتبني وتخرب
وتعمر وتخلي
وترشي وتقهر
وتعلق وتنزل
وتفلت وتحصل
وتمسح واتغبر
يمكن تدوي واتحكر
لابد تتجرجر
والسلعة لازم تبور
يمكن تتعشى
يمكن لفطور
يتحرك يبان المطمور
شوف قاع الهم
شحال بان
هكذا ليلك وقاد
وسلسلة و قنب جديد
وكولا تسعين دوكري
اختار الموت اللي تبغي
سلسلة ف يد النخاس
والحبل ف عنق الوسواس
وكولا للي باقي عايق ف الناس
ادخل سوقك زكون ملاس
ارم لقفل ع الباب
ع القلب
على الضيم
على الروح تتمنى لجروح
ارم الباب ع اللي باقي يتمنى
سد الكلام ع اللي باقي يتسنى
وملس كل شقة
كل نسمة
لاتخلي ولو ثقبة
يمكن يبان النور
من شي جرح كان مستور
سدوا وارم قفولة
هذي كلمة معقولة
سد لاتخلي خيط من النور
يمكن يطير النعاس
لابد يطير النعاس ...




ـــزجل : محمد نور الدين بن خديجة
ـــ من أرشيف جريدة مسافات ــ عدد 7 ـ &" أكتوبر 1997




ـــ جريدة مسافات جريدة أسسها المناضل الشيوعي عبد الرحمان القباج لتعبر عن صوت الصناع التقليديين والحرفيين كما جمع حولها تلة من المثقفين الديمقراطيين .بمراكش .








ـــ فكي لخبال ...
ـــــــــــــــــــــــــــــــــــــــــــــ إلى مراكش وأصواتها الحرة ...






انت همي
وزيدي همي يا مراكش ..
نرخي كمي
والما غمي يامراكش ..
يغضب جمي
يطلع دمي يامراكش ..
نشرب سمي
ينكر عمي يامراكش ..
وانت شمي
اوساخ فاحت يامراكش ..
ي
ا ولد امي
الروح ناحت يا مراكش ..
زيدي رفسي
أو رفشي يا مراكش ..
زيدي تعسي
واخلي عشي يا مراكش ..
زيدي تعسي
وجدي نعشي يا مراكش ..
لكذزب لبسي
يطلع فرشي يا مراكش ..
كيف تكلسي
وكيف نمشي يا مراكش ..
اشواك تلحسي
بلسان يرشي يا مراكش ..
وانا نفسي
ضايع هبشي يا مراكش ..
لقيت هوسي
بالع حنشي يا مراكش ..
طلع لفرشي
مرفوش رفشي يا مراكش ..
يصرخ الحال
ف كل احوال يا مراكش ..
وكان زبال
ف وسخ لموال يا مراكش ..
ف زمان هبال
تجري لهوال يا مراكش ..
نقزوا لحبال
ثعالب لخبال يا مراكش..
فكي لخبال
عن ضبابك يا مراكش ..
يبان لهلال
ضو احبابك يا مراكش ..
هذا سؤال
فين جوابك يا مراكش ..
طال الهجران
امتى لوصال يا مراكش ..
ثقال الخسران
ولدي لرجال يا مراكش ...



ـــ زجل : محمد نور الدين بن خديجة
28 ـ 10ـ 2008 مراكش


ـــ من أرشيف جريدة أصوات مراكش ـــ عدد : 16 من 5 إلى 18 فبراير 2009 ..لصاحبها عبد العزيز با طراح ..زكتبت تضامنا مع الجريدة حين استهدفت من أجل اسكاتها ومنعها لفضحها للفساد والمفسدين بمراكش المدينة .





التعليق والتصويت على الموضوع في الموقع الرئيسي


اخر الافلام

.. فيلم الممر مميز ليه وعمل طفرة في صناعة السينما؟.. المؤرخ ال

.. بكاء الشاعر جمال بخيت وهو يروي حكاية ملهمة تجمع بين العسكرية



.. شوف الناقدة الفنية ماجدة موريس قالت إيه عن فيلم حكايات الغري

.. الشاعر محمد العسيري: -عدى النهار- كانت أكتر أغنية منتشرة بعد



.. تفاصيل هتعرفها لأول مرة عن أغنية -أنا على الربابة بغني- مع ا