الحوار المتمدن - موبايل
الموقع الرئيسي


حكايات شعبية من مدينة يثرب 8

حسين سليم
(Hussain Saleem)

2024 / 11 / 12
الادب والفن


(10)
ينعاد عليك بالأسلحة والمخدرات

المخدرات وباء في العراق، تنخر المجتمع وثرواته المتنوعة وتعرض أمنه الإنساني والوطني للخطر. فهناك الكثير من الجرائم من قتل وسرقة وانتحار ودعارة تعود أسبابها إلى تعاطي المخدرات وتجارتها من قبل عصابات ومافيات متخصصة.
العراق كان ممرّاً للمخدرات إلى دول أخرى، لكن بعد الاحتلال عام 2003 تحوّل العراق إلى مستهلك و منتج لها.

أتى شاب، من عمر "التغيير الديمقراطي" أو أكثر بقليل، إلى الدكان، بعد السلام قال بابتسامة خجولة:
- حجي عندك حشيشة؟!
- لا يابا ماكو. أصبر دورة، دورتين برلمانية، إن شاء الله تصير رسمية وتدلل!
ذهب الولد وبقينا في استغراب عن مجسات المستقبل الذي لا يسر، ثم عدنا إلى موضوعنا.
- تفضل أغاتي مو بس بلد يتفصخ وينباع خردة، شعب يتمزق وأجياله تخرب.
- المخدرات صارت وباء.
- طبعاً؛ بطالة، وفقر نسبته أكثر من 30٪ ! تفكك أسري، عنف وجهل، وأسباب نفسية متنوعة، قوى متنفذة تتاجر بالمخدرات وبسط سيطرتها أو ارتباطها بأجندة أجنبية، ضعف القانون والتحايل عليه وعدم التقيد به وتنفيذه.
أتى زبون آخر ، قال:
- كلّ عام وأنت بألف خير وصحة وسلامة الأهل.
- وكلّ عام وأنت بألف خير ، ينعاد عليك بالأولاد والأسلحة!
- بوية أسلحة! سيد بيش طالبني؟!
- هسة موزين ما گلنالك وياها مخدرات!
- أنوب مخدرات وياها، بوية ههههه راح اختنگ!
- بكيفك! ظلت يمك، تريد أسلحة وياها مخدرات لو بس أسلحة؟!
- سيد أنت مصيبة وگعت علينا، هسة تورطنا!
- ليش مصيبة؟! احنا بلد "ديمقراطي" كلشي وكلاشي بيه، والإنسان حر بكيفه!
- "ديمقراطي" من "بشنة"! اطني المعسل مالتي، خل افلت!
- اگلك!يجوز على الجايات تستلم المعسل بالحصة التموينية!





التعليق والتصويت على الموضوع في الموقع الرئيسي


اخر الافلام

.. المايك باظ من قوة صوت أم كلثوم !


.. ليه أم كلثوم كانت بتلبس نضارة سوداء دايمًا؟.. معلومات هتبهرك



.. سر مناديل أم كلثوم .. وحكاية دستة المناديل


.. عمرو دياب يحتل التريند بعد طرح ألبومه الجديد -ابتدينا-




.. الفنانة زينة تطلب 100 ألف جنيه تعويضا بعد هجوم كلب شرس على أ