الحوار المتمدن - موبايل
الموقع الرئيسي


شاهدت عسكري المرور يصلي

أيمن رمزي نخلة

2007 / 4 / 27
كتابات ساخرة


شاهدت عسكري المرور يصلي.
بعيني شاهدته، أو قل: ضبطته واقفاً في صفوف المصلين يوم الجمعة الماضية. كان يصلي الجمعة جماعة. أظنك سوف تتهمني بالكفر حين أسأل: لماذا كان يصلي؟
يا أخي اللي يصلي نقوله أنت ليه بتصلي ؟ واللي ميصليش نقول عليه راجل معندوش دين؟
لكن أنا فعلا شوفته بيصلي!
لابس لبس الحكومة الميري وواقف يصلي!
خلع الجزمة الميري! وحطها قدامه ـ يظهر كان خايف من حرامية الجزم في الجوامع والكنايس ـ فخلع الجزمة وحطها قدامه!
وبداء يصلي.
وضع يديه امامه. احنى راسه.
ردد ما هو محفوظ وما يجب أن يقال ـ مثل الباقيين.
ربما اخطاء في بعض الاقوال، لن نحاسبه. فالرحمن رحيم.
لكن يا اللي بتصلي الجمعة بفرضها، لي عندك شوية أسئلة من باب الاخوة، وعلشان انت صعبان علي شوية. كل يوم بتقف في الشمس و المطر والتراب والعوادم المنبعثة من العربيات اللي عدت من لجان المرور ـ زمايلك يعني ـ بعد ما دفعوا اللي فيه النصيب(رشوة، أو واسطة، أو محسوبية)
السؤال الاول: مين اللي ينظم المرور وانت واقف تصلي؟ اوعي تقولي دي كلها ربع ساعة . ما هي ربع ساعة زائد ربع ساعة يبقي اليوم عده والحادثة بتحصل في ثواني. والشارع دايما مخنوق.
السؤال الثاني: بعد الصلاة بطلت تاخد حلاوة من المخالفين ـ رشوة يعني ـ ولا سميتها هدية وتقول النبي قبل الهدية؟ انا معاك مرتبك محدود والعيشة منيلة والناس راكبة عربية، اشمعني انت؟
السؤال الثالث: لو شفت واحد اتحرش ـ جنسيا يعني ـ بواحدة او حتى عاكسها ها تقول انا مالي مش وظيفتي، ولا ها تكون حمش وتقوله عيب يا شاطر، ولا تتفرج عليه؟
السؤال الرابع: هتعمل ايه وانت مروح من منطقة المرور، هتركب تاكسي او ميكروباص ببلاش ـ اتاوة يعني ـ ولا هتقول له تتعوض في مرة تانية ـ سفلقة يعني ـ علشان خاطر البدلة.
السؤال الخامس: لو شفت عربية راكنة في الممنوع، ها تتفاوض مع صاحبها علشان تلهف اللي فيه النصيب. ولا تنطش علي ما تفرج.
نهاية اتمني لك صلاة مقبولة وذنوب مغفورة.





التعليق والتصويت على الموضوع في الموقع الرئيسي


اخر الافلام

.. ا?قوى مراجعة نهاي?ية لمادة اللغة الفرنسية لطلاب الثانوية الع

.. السجن 3 سنوات للفنان محمد غنيم في اتهامه بتهديد طليقته




.. إعلان صادم لمحبي الفنانة السورية كندة علوش و-ولاد رزق 3- يحط

.. -مستنقع- و-ظالم-.. ماذا قال ممثلون سوريون عن الوسط الفني؟ -




.. حملها أمامهم.. شاهد كيف فاجأ صديق تايلور سويفت معجبيها على ا