الحوار المتمدن
- موبايل
الموقع
الرئيسي
سحابة كئيبة
عبدالله عبداللطيف المحامي
2007 / 5 / 27الادب والفن
سحابة كئيبة
طويلة عريضة
تقول الصمت
تقول الجبن
تقول الخوف .. أصبح فريضة
تقول لازم نشارك ف الجريمة
بالكلام .. بالسلام .. الهزيمة
وإيه هي الجريمة ؟
هي إغتيال الوطن
إشهد يا زمن
ومن قال كلمة الحق
يعني قال للظلم لأ
تبقي دي هي الخيانة
يعني لازم فيها شنق
علمونا .. وحفظونا من زمان
طاعة الحاكم واجب وفرض كمان
حتي لو باع المخاليق ولا خان
علمونا الخوف وإزاي أكون جبان
صبحت عيشتنا .. هوان
وإكتشفت إني ف سجن
وأنا السجان
وبعد كل دا يحاسبوني ع الهزيمة
ويقولو لي أمال فين العزيمة
بقول لكم
إخترت طريق الخيانة
والخروح ع الفريضة
لازم أزيل السحابة
الطويلة العريضة
موش هخاف
ولا ممكن أكون جبان
ضد الصمت
لازم الحقيقة تبان
موش ممكن أبيع الوطن
مهما يكون الثمن
خدوني للسجن والسجان
أفضل من الصمت الجبان
القاهرة - 1984
|
التعليق والتصويت على الموضوع في الموقع الرئيسي
.. سائقات المشاهد الخطيرة يطالبن بالتمثيل العادل بين الجنسين
.. محمد إمام ينتهى من مشاهد فيلم شمس الزناتى في الفيوم
.. محمد صلاح طلع على المسرح يرقص مع محمد هاني وحماقي
.. كل الزوايا - الشركة المتحدة تنعي الكاتب الكبير فاروق صبري رئ
.. حاجة تحزن والله.. الفنانة رانيا فريد شوقي تعبر عن انزعاجها م