الحوار المتمدن - موبايل
الموقع الرئيسي


التاريخ الدموي للأحلام

نهى محمود

2007 / 6 / 28
الادب والفن

امبارح حصل حاجة جميلة ومهمه اوي في الشغل " حلم من أحلامي العظيمة اتحقق"
كنت ميتة من العياط كلمت كل الناس اللي بحبهم في اللحظة دي
وجه في بالي لو ينفع اكلم ماما في التليفون اترمي طيب في حضنها الواسع الطيب
لما رجعت الجريدة كملت عياط في حضن منال
شكلي كان زي العيال الصغيرة العياط كان خانقني

زعلت من نفسي اوي لاني كنت متفقة معايا المرة الجايةلما تحصل لي حاجة كويسه افرح بجد افرح من غير دمعة واحدة بس معرفتش

قعدت افكر كمان قد ايه الاحلام الغالية علينا بتاخد سنين بتسحل في طريقها أيام ومشاعر وجهد وشغل ووجع قلب وقلق
قد ايه يوم ما تتحقق بنكون محتاجين نقسمها مع كل اللي شركونا التعب ده
,
الغريب اني من امبارح متغيره
حاسه اني كبرت 50 سنة
حاسه اني هادية هدوء شجي
كأن الفرحة المطلقة عمرها ما هتحصل ..كأننا كبرنا كفاية علشان نشوف الحياة على حقيقتها
الحياة تاجر شاطر أوي بيسلفنا اللي عايزينه مقابل انه ياخد حته من لحمنا وبشرط من غير نقطة دم واحدة
مقايضة مستحيلة ولأننا بنغلط غلطة فاوست بنوقع على الوثيقة الدموية دي

نهى محمود
كاتبة من مصر

---

---

---

التعليق والتصويت على الموضوع في الموقع الرئيسي

---

.. الجزائر.. -سوق أزمان- في تلمسان رحلة عبر التاريخ والفن والأد


.. المخرجة والكاتبة دوروثي مريم كيلو تروي رحلة بحثها عن جذورها




.. هاجر أحمد: بوعد الجمهور إنه هيحب شخصيتى في فيلم أهل الكهف


.. حاول اقتحام المسرح حاملاً علم إسرائيل فسقط بشكل مريع




.. لماذا غنت كارلا شمعون باللهجة الجزائرية؟.. الفنانة اللبنانية