الحوار المتمدن - موبايل
الموقع الرئيسي


ابيت اللعن

حامد كعيد الجبوري

2010 / 7 / 8
الشهداء والمضحين من اجل التحرر والاشتراكية




الى من عبّد طريق الأحرار فخرا ورجولة الشهيد الخالد عبد الكريم قاسم

يالشايل محبة الناس
الناس أتبادلك حبك
فرشت أعيونك وغطيت
شعبك والغطه أبهدبك
عجيبه الكلب هاكبره
ويوسع كردك وعربك
شهدلك أبيض التاريخ
شعبك منجمك ذهبك
كافر كالو وملحد
شعوبي وتيهت دربك
قبلتك محد أعرفها
سرهّا بينك وربك
عفا الله ما سلف خنجر
غدر وبكَلبك أيصوبك
عمرك ما حملت الغيض
أبفراتين أغسلت كلبَك
****
كصير الأيد ع الشينات
وتطول أيدينه الينهبك
تروّي أبصبرك العطشان
ومن شرب الشعب شربك
ومثل ما تاكل الفقره
أكلك والذهب كربك
لأن طيب العراق أرويت
وغذيت الشعب عذبك
النزاهه البيك ما تنقاس
دواووين المجد كتبك
الغيره أبشيمتك لاذت
وماتت من كضَه نحبك
أنعكد رحمه وبعد ميجيب
العراق ومثلك أينجبك
شبت بالعراق النار
وخافت نارها اتلهبك
تشيملك حزب عادل
شيوعي وحزبه من شعبك
****
يل بعتوا الوطن والناس
وتشرب ذلتك نخبك
يمأمن الحرامي البيت
يشيل البيت ويسلبك
قاسم للشرف ديوان
الغيره أبراسك أتندبك
العراق أبشاربك شلته
العراق أشتات من عكبك
لأن عش الفقير أبنيت
عكارب هاجت الحربك
من رحم الفُكر شبيت
وبس هذا الذنب ذنبك
الخزينه بيدك ومديون
أوذمتك يبرّي اليطلبك
يملاوي المنايه أبزود
ولا يرجف كلب صحبك
مثل نخل العراق تموت
سباحك حضن تربك
تلثم غادرك بالخوف
وترفض قاتل أيعصبك
أبيت اللعن ( يكريم)
وبس أبطيبك أنعتبك
يا أبن العراق البار
يا كبر ونجي أنجهبك
****





التعليق والتصويت على الموضوع في الموقع الرئيسي


اخر الافلام

.. انقسام آراء الفرنسيين من أصول مغاربية بين اليمين واليسار | ا

.. زعيم حزب العمال كير ستارمر يصبح رئيس وزراء بريطانيا الجديد |



.. بريطانيا.. حزب العمال ينتزع فوزاً تاريخياً في البرلمان | #را

.. سوناك يصل إلى قصر باكنغهام لتقديم استقالته بعد فوز ساحق لحزب



.. هزيمة ساحقة للمحافظين وتوجه لليسار.. ما الذي حدث في بريطانيا