الحوار المتمدن - موبايل
الموقع الرئيسي


رسالة الى محمود المصري:

خالد عبد القادر احمد

2011 / 7 / 24
في نقد الشيوعية واليسار واحزابها



ازيك
انت فين يا محمود يا مصري
يعني ما شفتكش الايام دي,
يا راجل ده وقتك
والناس محتجالك دلوقت
فاكر ايام ما كانت الناس عارفة بتعمل ايه
ايه اللي جرالهم النهار ده
كل واحد _ عايز حقه_ وبس
طيب ما يقسموا النيل بينهم كمان
ولا زي ما قال سرور عن مصر:
حتى على الخارطة.....
مصر مش كدة يا محمود
انت قلتلي الكلام دة
وقلتلي ان مصر لمصر
حتقول ايه دلوقت في اللي بيحصل عندكو
فاكر لما قلتلك ليه ما بتشتغلش مع اللي برة مصر
قلتلي هم دول ايه جنب اللي في البلد
طب ايه نتيجة شغلك بينهم هي فين
ده الشيخ محمود عامل شغل اكتر منك
ده يمكن يبقى عمدة البلد
مش مهم يكون وكيل الشيخ حسين اوباما, بس اهه حيبقى عمدة
او شيخ بلد
ومحمود الايطالي مداوم في الميدان مش عارف يتكلم ايه, ايطالي ولا مصري
ده بقى محتاج خبير لغات ولهجات يفسر لنا بيقول ايه
بس اهه موجود في الميدان والجزيرة بتنقل لنا اخباره
والاسطى محمود ما طلعش مالمولد بلا حمص, ااقله خد صورة تذكارية مع كلينتون في الميدان
وحيبقى يقول لولاده دي كانت صاحبتي ويتفشخر بقه
ومحمود غوغل خد وكالة امريكية بتجيبله اد كدة
اللهم لا حسد
بس انت
غاوي فقر وثقافة
ولا غاوي ايه يا ترى
انت كنت صادق معايا لما كنت بتتلذذ وانت بتتكلم عن مصر وجمال مصر وطيبة مصر واصالة مصر
ولا طلعت فاهم الدنيا غلط
طب فين اللي قلته يا عم
ما تكونش اللهجة الروسية وخداك بعيد عن البلد والناس
ما تزعلش مني يا محمود
انا اشتقتلك وكنت فاكر اني حشوفك في الميدان
اوعى تكون عملت زي علي الفلسطيني
بعت اهلك وبقيت وكيل وزارة
او بتحاول تصلح الكون من شباك مركز دراسات
وبتشور على ناسك زي هو ما بيشور على عباس ومشعل ا
اوعى تكون بقيت زيهم طبيعي وما عدتش تحلم
اوعى تكون بقيت بتشرب معدني مش من النيل
وبتاكل كنتاكي واستغنيت عن سد الحنك
الحق نفسك يا محمود
ده طلعت السادات وتوفيق عكاشة سبقوك وهبشوا الاسم قبلك مع انه حقك يا اخي
دا انت اللي علمتني ان بيتي هو بيتي وبيت جاري هو بيت جاري
امال مش شايفين الكلام ده في الميدان ليه
انت فين يا محمود
ده انتو مش محتارين وبس
دانتو حيرتونا معاكو كمان





التعليق والتصويت على الموضوع في الموقع الرئيسي


اخر الافلام

.. -سأهزم دونالد ترامب مجددا في 2020-.. زلة لسان جديدة لبايدن |

.. في أول مقابلة بعد المناظرة.. بايدن: -واجهتني ليلة سيئة-




.. فوز مسعود بزشكيان بانتخابات الرئاسة الإيرانية بنحو 55% من أص

.. القسام تنفذ غارة على مقر قيادة عمليات لجيش الاحتلال بمدينة ر



.. -أرض فلسطين بتفتخر بشعبها-.. غارات الاحتلال لا تزال تحصد أرو