الحوار المتمدن - موبايل
الموقع الرئيسي


العين الحمرا و شر الحمير المستأسدة

جاك عطالله

2012 / 3 / 2
العلمانية، الدين السياسي ونقد الفكر الديني


معرفش ليه افتكرت بشدة المثل المصرى المعروف خيبة الامل راكبة جمل وده مثل مشهور بيقولوه لما خيبة الواحد تبقى قوية وكبيرة وظاهرة فى حجم الجمل الذى لايمكن اخفائه او انكاره

الحكاية اللى فكرتنى بالمثل ده هى قصة المنظمات المدنية ومنظمات حقوق الانسان ونشر الديموقراطية وثقافة الاختلاف السلمى والتسامح بمصر وهى تعمل وتمول من المعونات الامريكية وبموافقة ضمنية منذ ١٩٧٧ و بعلم تام من رئيس الجمهورية و سبعة عشر جهازا امنيا مصريا و بموافقة مباشرة من مبارك شخصيا و وزير الداخلية ومدير رئاسة الجمهورية وهنا اتكلم عن انور السادات اولا وبعده مبارك الذى توسعت بعهده و بموافقته التامة وهو مازال تحت يد المجلس العسكرى و المشير طنطاوى يعرف ذلك تماما ويكذب علينا هو والوزيرة الفضيحة فايزة ابو النجا التى سوف تقال بعد كذبها العلنى وهى احدى الموقعات الاساسيات على بروتوكولات عمل هذه المنظمات المدنية الممولة من المعونة الامريكية وبغطاء حكومى امريكى..

عموما حكاية الحمار اللى عنده اكتئاب و عقدة نقص ومستعر من اصله وامكانياته و لقى راس وفروة اسد فى الغابة فلبسهم وعمل اسد و عاش فى الدور وعاوز يخوف الحيوانات فزأر واذ بالصوت يطلع نهيق حمار فتنبه الاسد الحقيقى واكله هم نم ودى قصة حكاهالى صديقى الباشمهندس نبيل بسادة المناضل القبطى المعروف فى اثناء لقاء جمعنا فى قناة الطريق القبطية الدولية المعروفة

طبعا انا موش ناوى اقول مين الحمار اللى لبس فروة اسد علشان ما اغلطش غلطة النائب زياد العليمى اللى وقع فى شر اعماله مع وكيل مجلس الشعب السلفى اللى ناوى يدبحه بساطور تلم على سنة الله ورسوله والتابعين ليوم الدين -وانا خايف يشيلونى من مجلس قندهار رغم انى موش عضو فيه

نيجى بقى لاصل القضية - لماذا فجرها العسكر بهذا الوقت؟؟

القضية اصلا مفبركة للتغطية على بلاوى العسكرى وسرقتهم الاحتياطى المصرى لصرف مكافات لهم تعويضا عن تركهم السلطة لريس طرطور بيسموه حسب النكتة البايخة الريس التوافقى اللى ها يبقى شخشيخة بايدهم زى الباكستان

اللى خلاهم قبضوا عليهم هو تحويل الاهتمام عن مصايبهم واشغال الشعب اسبوعين تلاته ولا اربعه لحين التفاهم على تقسيم السلطة بينهم وبين الاخوان

واللى خلاهم اتراجعو ان المنظمات دى بتساعد مصر على تعلم الديموقراطية و العلمانية و نشر ثقافة حقوق الانسان والتسامح مع المختلفين

امريكا لها مصلحة مؤكدة بجعل مصر ديموقراطية لانها حبل الانقاذ للشعب المصرى من الناحية الاقتصادية ولمحاصرة الفساد المقنن لكل مستويات القيادة المصرية وبدونها ستبقى مصر دولة درجة عاشرة منهوبة ومهدودة القوى

للعلم ان امريكا لن تبقى طويلا مساندة اقتصاديا لمصر مع انها جابت الاخوان والسلفيين على دبابة امريكية صهيونية بمحلل سعودى قطرى الا انها لن تعطى كارتا بلانش ولا سلطة مطلقة للاخوان وعاوزة المنظمات دى تكون عينها واذنها على الفساد والسرقات و الدكتاتورية ولن تسمح بتصفيتها و بالتالى طلعت العصاية للمشير واخوته و احنا عارفين العين الحمرا لما تحرمش !!
على طول اللى لابس فروة اسد رجع لاصله ولان الزئيرة طلعت نهيقة !!!!!

وربنا يكفينا شر الحمير المستأسدة





التعليق والتصويت على الموضوع في الموقع الرئيسي


التعليقات

1 - البلد مليانة
عدلي جندي ( 2012 / 3 / 3 - 14:06 )
واضح أن البلد أصبحت ملآنة من نوعية هذة الحمير المستأسدة وقريبا سيلقي كثيرون من هذة النوعيات الفروة ويلوذون بالفرار

2 - حديقة الحيوان
جاك عطالله ( 2012 / 3 / 3 - 19:04 )

شكرا استاذنا عدلى بك

اشكرك على التعليق وللاسف واضح ان البلد تدار من حديقة الحيوان

اخر الافلام

.. تغطية خاصة | المقاومة الإسلامية تواصل التصدي لكل محاولات الت

.. تغطية خاصة | المقاومة الإسلامية تواصل التصدي لكل محاولات الت



.. 78-Al-Aanaam


.. نشر خريطة تظهر أهداف محتملة في إيران قد تضربها إسرائيل بينها



.. تغطية خاصة | المقاومة الإسلامية في لبنان تستهدف الكريوت شمال